;ក្អកមាន់ គឺជាជំងឺមួយប្រភេទ ដែលអាចចម្លងបានដោយសារការកើនឡើងបាក់តេរីខ្ពស់។ វាត្រូវបានបង្កដោយបាក់តេរីម្យ៉ាងឈ្មោះថា Bacterium Bordetella pertussis ដែលធ្វើឱ្យរលាកស្រទាប់ខាងក្នុងនៃផ្លូវដង្ហើមដូចជា បំពង់ខ្យល់ និងទងសួត។ ជំងឺនេះរីករាលដាលយ៉ាងឆាប់រហ័សតាមរយៈការក្អក ឬកណ្ដាស់ នៃអ្នកជំងឺ។ ហើយជាបឋម វាប៉ះពាល់ដល់ទារកតូចៗ ប៉ុន្ដែក្មេងជំទង់ និងមនុស្សចាស់ក៏អាចឆ្លងជំងឺនេះដែរ។ នៅពេលដែលយើងឆ្លងបាក់តេរីរួច វាត្រូវប្រើពេល ៧ ទៅ១០ថ្ងៃដើម្បីបង្ហាញឱ្យឃើញរោគសញ្ញា ក៏ប៉ុន្ដែជួនកាលវាក៏ត្រូវប្រើពេលយូរជាងនេះដែរ។ នៅដំណាក់កាលដំបូងវាក៏មានរោគសញ្ញាដូចគ្នាទៅនឹងជំងឺគ្រុនផ្ដាសាយធម្មតាដែរដូចជា ក្អកស្រាល កណ្ដាស់ ហៀរសំបោរ និងគ្រុនក្ដៅតិចតួច។ ខាងក្រោមនេះយើងសូមណែនាំអំពីវិធីធម្មជាតិ ៣ យ៉ាងដើម្បីដោះស្រាយបញ្ហាក្អកមា
ខ្ញី៖ ខ្ញីគឺជាថ្នាំពង្រាវស្លេសដ៏មានប្រសិទ្ធភាពអស្ចារ្យ ដែលអាចជួយព្យាបាលជំងឺក្អកមាន់ឱ្យធូរស្រាលបាន។ ម្យ៉ាងទៀតវាមានគុណសម្បត្ដិប្រឆាំងនឹងបាក់តេរី ដែលជួយបំផ្លាញនូវបាក់តេរីដែលបណ្ដាលឱ្យកើតបញ្ហាក្អកមាន់នេះ។ មួយវិញទៀត វាមានគុណសម្បត្ដិលើកកម្ពស់ប្រព័ន្ធស៊ាំរបស់រាងកាយ ដែលជួយប្រឆាំងនឹងជំងឺ និងជួយឱ្យជាសះស្បើយពីជំងឺបានឆាប់រហ័ស។
•លាយបញ្ចូលគ្នានូវទឹកខ្ញីស្រស់ និងទឹកឃ្មុំ មួយស្លាបព្រាបាយស្មើរគ្នា។ ញ៉ាំនូវទឹកលាយបញ្ចូលគ្នានេះពីរដងក្នុងមួយថ្ងៃឱ្យបានពីរ ទៅបីថ្ងៃ។
•ជម្រើសមួយទៀត គឺត្រូវលាយទឹកខ្ញី ទឹកក្រូចឆ្មារ និងទឹកខ្ទឹមសក្នុងបរិមាណស្មើរៗគ្នា។ ញ៉ាំទឹកលាយបញ្ចូលគ្នានេះមួយស្លាបព្រាបាយឱ្យបាន ២ទៅ ៣ដងក្នុងមួយថ្ងៃ។
រមៀត៖ រមៀតមានផ្ទុកនូវគុណសម្បត្ដិប្រឆាំងនឹងមេរោគ និងបាក់តេរី ដែលជួយព្យាបាលជំងឺក្អកមាន់ឱ្យជាសះស្បើយបាន។ វាមានប្រសិទ្ធភាពព្យាបាលទៅលើជំងឺក្អក ជាពិសេសគឺក្អកស្ងួត ដែលជារោគសញ្ញាដ៏ចម្បងមួយនៃជំងឺក្អកមាន់។ គុណសម្បត្ដិលើកកម្ពស់ប្រព័ន្ធស៊ាំរបស់វា ក៏ជួយប្រឆាំងនឹងជំងឺ
•លាយទឹកឃ្មុំស្រស់មួយស្លាបព្រាបាយ និងម្សៅរមៀតកន្លះស្លាបព្រាកាហ្វេ។ ញ៉ាំវាឱ្យបានពីរដងក្នុងមួយថ្ងៃ រហូតដល់អ្នកមានអារម្មណ៍ថាធូរស្រាល។
•ជម្រើសមួយទៀតគឺត្រូវញ៉ាំទឹកដោះគោក្ដៅឧណ្ហៗ ជាមួយនឹងម្សៅរមៀតកន្លះស្លាបព្រាកាហ្វេឱ្យបានពីរដងក្នុងមួយថ្ងៃដើម្បីឱ្យធូរស្រាលអាការៈក្អកនេះ។
•ជម្រើសម្យ៉ាងទៀត អ្នកអាចញ៉ាំឱសថបង្រ្គប់បន្ថែមចម្រាញ់ពីររមៀត ដែលអាចរកជាវបានក្នុងទម្រង់ថ្នាំគ្រាប់។ សូមធ្វើការប្រឹក្សាជាមួយវេជ្ជបណ្ឌិត ដើម្បីឱ្យដឹងពីកម្រិតថ្នាំដ៏សមស្របសម្រាប់អ្នក។
ខ្ទឹមស៖ ខ្ទឹមសមានប្រសិទ្ធភាពជាថ្នាំផ្សះបែបធម្មជាតិ ក្នុងការកម្ចាត់ជំងឺក្អកមាន់។ វាមានគុណសម្បត្ដិប្រឆាំងនឹងបាក់តេរី និងមេរោគ សម្រាប់ជម្រះឱ្យស្អាតនូវមេរោគក្អកមាន់។
•ពិសាទឹកខ្ទឹមសមួយស្លាបព្រាកាហ្វេឱ្យបានពីរ ឬបីដងក្នុងមួយថ្ងៃសម្រាប់រយៈពេលប្រហែលមួយសប្ដាហ៍។
•ម្យ៉ាងទៀតសូមបន្ថែមខ្ទឹមសចិញ្រ្ចាំមួយព្រាបាយទៅក្នុងទឹកដាំពុះមួយប៉ាន់។ គ្របក្បាលរបស់អ្នកនឹងកន្សែងពោះគោ ហើយដកដង្ហើមស្រូបយកចំហាយ។ ការព្យាបាលបែបនេះគឺមិនអាចធ្វើឡើងចំពោះកុមារតូចៗបាន
