មានស្ត្រីមេផ្ទះជាច្រើនតែងតែទិញបន្លែផ្សេងៗមកទុកក្នុងទូរទឹកកកជានិច្ចដោយសារតែគេខ្ជិលទៅផ្សាររាល់ថ្ងៃ ប៉ុន្តែមានបន្លែមួយចំនួននៅពេលដែលអ្នកទុកវាក្នុងទូរទឹកកក វានឹងមិនស្រស់ឡើយ។តើមានបន្លែអ្វីខ្លះទៅដែលអ្នកមិនគួរទុកនោះ?
1. អ្នកមិនត្រូវដាក់ខ្ទឹមបារាំងក្នុងទូរទឹកកកទេ ព្រោះនៅក្នុងនោះវាមានជាតិសើម ជាហេតុដែលងាយធ្វើឲ្យខ្ទឹមបារាំងរលួយ ហើយងាយដុះផ្សិតទៀតផង ដូចនេះអ្នកអាចដាក់នៅកន្លែងដែលស្ងួតនៅខាងក្រៅបានហើយ។
2. អ្នកមិនត្រូវដាក់ប៉េងបោះនៅក្នុងទូរទឹកកឡើយ ព្រោះវាអាចធ្វើឲ្យប៉េងបោះឆាប់ខូច ហើយឡើងអ៊ុចខ្មៅ ជាពិសេសសីតុណ្ហភាពក្នុងទូរទឹកកទាប ដូចនេះវាងាយនឹងធ្វើឲ្យវាទន់ខ្លាំងណាស់។
3. អ្នកមិនត្រូវទុកចេកក្នុងទូរទឹកកកឡើយ ព្រោះផ្លែចេកនៅពេលដែលវាប៉ះនឹងសីតុណ្ហភាពក្រោម១២អង់ស្សាសេ វានឹងរលួយជាមិនខានឡើយ។
4. អ្នកមិនត្រូវទុកត្រសក់ក្នុងទូរទឹកកកឡើយ ព្រោះវាអាចនឹងក្លាយទៅជាខ្មៅ ទន់ និងប្រែរសជាតិ ដូចនេះអ្នកអាចទុកនៅក្រៅទូរទឹកកកបាន។
5. អ្នកមិនត្រូវទុកដំឡូងបារាំងក្នុងទូរទឹកកកទេ ព្រោះវាងាយនឹងធ្វើឲ្យដំឡូងបារាំងខូចខ្លាំងណាស់ ដូចនេះអ្នកអាចយកក្រដាសខ្ចប់ ហើយទុកនៅកន្លែងដែលគ្មានពន្លឺ នោះវានឹងអាចទុកបានយូរ។
6. អ្នកមិនត្រូវយកទឹកឃ្មុំដាក់ក្នុងទូរទឹកកកឡើយ ព្រោះវាអាចធ្វើឲ្យទឹកឃ្មុំបាត់បង់គុណភាព និងប្រែរសជាតិ ដូចនេះអ្នកអាចដាក់នៅក្រៅទៅបានហើយ។
7. សូកូឡាអ្នកត្រូវតែដាក់ក្នុងកន្លែងដែលមានសីតុណ្ហភាពពី៥អង់ស្សាសេ ដល់១៨អង់ស្សាសេ ទើបវាមិនប្រែប្រួលរសជាតិដើម និងគុណភាពរបស់វា ហើយមិនងាយខូចទៀតផង៕
