នៅពេលដែលកូនក្តៅខ្លួនម្តងៗ មិនថាធ្ងន់ ឬស្រាលទេ អ្នកតែងតែប្រើថ្នាំដើម្បីបំបាត់ជានិច្ច ប៉ុន្តែតើអ្នកដឹងទេថា នៅពេលដែលកូនក្មេងប្រើថ្នាំច្រើន វាអាចប៉ះពាល់ដល់សុខភាពកូនណាស់ វានឹងធ្វើឲ្យកូនលូតលាស់យឺត ដូចនេះនៅពេលដែលកូនមានជំងឺផ្សេងៗ បើមិនធ្ងន់ធ្ងរ ចូលអ្នកប្រើវិធីធម្មជាតិក្នុងការព្យាបាលវិញ ព្រោះវាមិនប៉ះពាល់សុខភាពកូនខ្លាំងឡើយ។ តើនៅពេលដែលកូនក្តៅខ្លួនមិនមានអាការៈធ្ងន់ធ្ងរ គួរតែធ្វើដូចម្តេចទើបកូនជានោះ?
1. អ្នកអាចដាំបបរឲ្យកូនបាន ដោយយកតែទឹកលាយជាមួយស្ករឲ្យកូនផឹកបានហើយចំណែកឯកាកបបរវិញ អ្នកអាចដួសចេញបាន។
2. អ្នកអាចយកសណ្តែកខៀវយកវាទៅដាំឲ្យម៉ត់ បន្ទាប់មកយកទឹកនៃសណ្តែកខៀវនោះលាយជាមួយស្ករក្រាមឲ្យកូនបរិភោគបាន។
3. អ្នកក៏អាចយកពងមាន់មួយទៅពីរគ្រាប់គោះឲ្យបែក បន្ទាប់មកយកវាទៅចំហុយដោយលាយជាមួយទឹកក្តៅអ៊ុនៗឲ្យកូនបរិភោគបាន នោះវាក៏អាចជំនួយដល់សុខភាពកូនដូចគ្នា។
4. អ្នកអាចឲ្យកូនផឹកទឹកឳឡឹកបាន ព្រោះទឹកឳឡឹកនេះអាចជួយកូនឲ្យបញ្ចេញជាតិពុលចេញមកក្រៅអស់ ដូចនេះវាជំនួយដល់សុខភាពកូនខ្លាំងណាស់។
5. ទឹកសារីស្រស់ក៏អ្នកអាចកិនឲ្យកូនផឹកដែរនៅពេលដែលគេក្តៅខ្លួន ព្រោះវាអាចបំបាត់ក្តៅខ្លួន រួមជាមួយការក្អករបស់កូនក៏អាចបំបាត់បានដែរ វានឹងធ្វើឲ្យកូនមិនសូវក្អកឡើយ។
6. អ្នកអាចកិនផ្លែប៉ោមស្រស់ ដោយយកតែទឹកឲ្យកូនផឹកបាន ព្រោះនៅក្នុងផ្លែប៉ោមមានវីតាមីនCដែលអាចជួយឲ្យកូនអាចបញ្ចេញជាតិពុលចេញមកក្រៅយ៉ាងងាយ នោះកូននឹងអាចបាត់ក្តៅខ្លួន៕
L&C Tutor Service is Educational Service Provider to improve human capacity development of their jobs and studies in Cambodia, providing students and Clients within Khmer, Thai, Chinese, Japanese, Korea, English, French and Technology Curriculum. Our clear target are: 1- Qualified Tutor 2-Success Tutor 3-Trust Service 4 - Low Tuition Fee.