តាមបទពិសោធន៏ផ្ទាល់ខ្លួន របស់មនុស្សម្នាក់ៗប្រាកដជាបានដឹង ហើយពី អាការៈ ឈឺក្បាលរួចមកហើយ ដូច្នេះវាមិនធ្វើឲ្យ អ្នកចម្លែកក្នុង ចិត្តឡើយ។ ប៉ុន្តែ ដើម្បី បំបាត់បញ្ហា នេះ បានអ្នកអាចប្រើប្រាស់វិធីសាស្ត្រម៉ាស្សា ព្រោះវាអាចជួយពង្រឹងលំហូរឈាមរបស់អ្នក ទៅកាន់ តំបន់ មានបញ្ហា ហើយ អ្នកនឹងជាសះស្បើយពីភាពតានតឹង។ លើសពី នេះទៀត វា គឺជាវិធីសាស្ត្រ មួយដែលអាចជួយបំបាត់ការឈឺចាប់រហ័ស ជាងការប្រើថ្នាំ ទៅទៀត។ ម៉ាស្សា ដោយប្រើ កន្សែង ពោះគោ
នេះជាវិធីដ៏មានប្រសិទ្ធិភាព បំផុត ជួយសម្រួលដល់ចរាចរណ៏ ឈាមនៅក្នុង ខួរក្បាល និងក ដែលអាចជួយបំបាត់ ការឈឺចាប់។ លើសពីនេះ ទៀត ការម៉ាស្សាក្បាល ជាវិធី មួយ ធ្វើឲ្យ ស្រួល ខ្លួន។
វិធីម៉ាស្សាក្បាលដោយប្រើកន្សែង ពោះគោ
ជាដំបូងអ្នកត្រូវរកកូន កន្សែងមួយ ដែលសក្តិសម (មិនក្រាស់ពេក)។ ឥលូវ រមូកន្សែង ជារាង មូលវែង។ បន្ទាប់មកប្រើកន្សែងដាក់លើថ្ងាស សង្កត់ឲ្យខ្លាំង។
ប្រើដៃទាំងកាន់តែកន្សែងឲ្យ ជាប់។ ធ្វើចលនាកន្សែងត្រង់ក ក្បាល និងស្មា។ អនុវត្តវិធី នេះដោយដកដង្ហើម ឲ្យបាន វែងៗ និង ពន្លា កន្សែងវិញយឺតៗ ដើម្បី ធ្វើឲ្យ ការម៉ាស្សាបាន ប្រសើរឡើង។ គួរអនុវត្តវិធីនេះឲ្យបានយ៉ាង ហោចណាស់ ៣ - ៥នាទី ហើយវាជួយកាត់បន្ថយ ការឈឺចាប់។
ប្រសិនបើវិធីនេះមិនអាចជួយ ដល់អ្នកបាន សម្រាក ១០នាទីសិន រួចធ្វើការ ម៉ាស្សា នេះម្តងទៀត។
ត្រូវ ចាំថា មូលហេតុចំបងធ្វើឲ្យ ឈឺក្បាលគឺ ការតឹងណែនសាច់ដុំ។ ដូច្នេះ ការម៉ាស្សានេះ នឹងជួយសម្រួលដល់តំបន់ត្រង់ក្បាល និងក , វានឹងជួយកម្ចាត់បញ្ហាតឹងណែនសាច់ដុំ ហើយអ្វីដែល សំខាន់បំផុត វានឹងជួយសម្រួល ដល់ឆ្អឹង ករបស់អ្នក។
ចំពោះអាការៈឈឺក្បាល ធ្ងន់ធ្ងរ គួរតែ ប្រើវិធី មួយទៀតត្រូវគួបផ្សំនឹង ការព្យាបាល បន្ថែម
ប្រសិនបើអ្នកមានអាការៈឈឺក្បាលខ្លាំង អ្នកគួរតែពិសារ តែជីអង្កាម មួយពែង។ តែជីអង្កាមអាចជួយសម្រួល ដល់បំពង់សរសៃឈាម។ នេះន័យថា
ការឈឺចាប់នឹង លែងកើតមាន ទៀត៕
