បុរសម្នាក់ដែលកាន់ពែងមួយនៅក្នុងដៃ។ ពែងនេះមានលក្ខណៈពិសេសជាងអ្វីដែលអ្នកគ្រប់គ្នាបានគិត។ វាប្រើដើម្បីរងចាំទឹកភ្នែករបស់គាត់ ដែលធ្លាក់ចុះមក។ នៅក្បែរនោះដែរ មានទាំង មាស, ប្រាក់, ម្ហូបអាហារ និងអ្វីៗដែលធ្វើឲ្យរីកចម្រើនសម្រាប់ជីវិត ហើយវានឹងត្រូវផ្ដល់ទៅឲ្យបុរសនោះផងដែរ។
យើងនឹងគិតថា បុរសម្នាក់នឹងអាចក្លាយជាអ្នកមានដោយការឈោងយកទ្រព្យសម្បត្តិ។ តែមិនប្រាកដទាំងស្រុងឡើយសម្រាប់គាត់ ដែលគាត់នឹងអាចយកទ្រព្យសម្បត្តិ ព្រោះនៅពីក្រោយខ្នងគាត់មានមូលហេតុសំខាន់ផ្សេងទៀត។ ដូច្នេះពេលដែលគាត់ចង់បានអ្វីៗគ្រប់យ៉ាងដែលមានទាំងទ្រព្យសម្បត្តិ, មាសប្រាក់, និងរបស់ផ្សេងៗទៀត គាត់ត្រូវសម្រក់ទឹកភ្នែករបស់គាត់ចូលទៅក្នុងពែងដែលគាត់កំពុងកាន់នៅនឹងដៃនោះ។ គាត់បានសម្រេចចិត្តយកមាសប្រាក់ និងរបស់របរមួយចំនួន។ គាត់ក៏បានទទួលរបស់ផ្សេងៗតាមដែលគាត់បានជ្រើសរើស ឬសម្រេចចិត្ត។
ដំបូងឡើយ គាត់មិនសោកស្ដាយប៉ុន្មានទេ ដែលបាត់បង់ស្នេហារបស់គាត់ ដែលនាំមកនូវទឹកភ្នែកប៉ុន្មានតំណក់។ ប៉ុន្មានថ្ងៃកន្លងផុតទៅ គេចាប់ផ្ដើមមានអារម្មណ៍ថាឯកោ និងជម្ងឺធ្លាក់ទឹកចិត្ត ដោយមិនបានសង្សារជាទីស្រឡាញ់របស់គាត់ រស់នៅក្បែរ។ ទឹកភ្នែកហូរកាន់តែច្រើនហូរចេញពីភ្នែកទាំងគូរបស់គាត់។
ហេតុដូចនេះហើយ បានជាបុរសម្នាក់នោះមិនគួរភ្លេច មនុស្សដែលស្រឡាញ់ និងថែរក្សាយើងជារៀងរាល់ថ្ងៃឡើយ ដែលទ្រព្យសម្បត្តិនៅបន្ទាប់ពីសេចក្ដីស្រឡាញ់។ សេចក្ដីស្រឡាញ់ អាចនាំមកនូវទ្រព្យសម្បត្តិ ប៉ុន្តែទ្រព្យសម្បត្តិ មិនអាចនាំមកនូវសេចក្ដីស្រឡាញ់បានឡើយ។