យោងទៅតាមអ្នកជំនាញខាងរោគសើស្បែកបានឱ្យដឹងថា រូបមន្តមួយនេះមិនមានឥទ្ធិពលអាក្រក់អ្វីទៅលើស្បែកក្បាល ឬសរសៃសក់ឡើយ។
ធម្មតា សរសៃសក់ដែលមានសុខភាពល្អ និងភ្លឺរលោងគឺជាអ្វីដែលស្ត្រីគ្រប់រូបចង់បាន។ បើសិនជាអ្នកចង់បានសក់ត្រង់ ក្រាស់ វែង និងភ្លឺរលោងមែននោះ យើងមានដំណោះស្រាយសម្រាប់អ្នក។ រូបមន្តនេះអាចរកបានយ៉ាងស្រួលក្នុងផ្ទះបាយរបស់អ្នក។
យោងទៅតាមការសិក្សាជាច្រើនបានឱ្យដឹងថា ការព្យាបាលដោយប្រើខ្ទឹមបារាំងក្រហម គឺមានប្រសិទ្ធភាពបំផុត ហើយក៏ត្រូវបានស្ត្រីជាច្រើនមកពីតំបន់ហូលីវ៉ូដប្រើប្រាស់ច្រើនដែរ។
ខ្ទឹមបារាំងគឺជារបស់លើកលែងមួយ ដោយសារតែវាសម្បូរទៅដោយជាតិស្ពាន់ធ័រ ដែលអាចភ្ញោចដល់ការផលិតសារធាតុកូឡាជែន ដែលមានសារៈសំខាន់បំផុតសម្រាប់ការលូតលាស់របស់សក់។
អ្នកដែលបានប្រើប្រាស់វីធីសាស្ត្រនេះនិយាយថា វាមានប្រសិទ្ធភាពក្រោយពីប្រើប្រាស់រយៈពេលមួយខែរួច។
គ្រឿងផ្សំ
ចូរចិតខ្ទឹមបារាំងពីរទៅបួនផ្លែ ហើយចម្រាញយកទឹករបស់វា។
ចូរម៉ាស្សាក្បាលជាមួយនឹងទឹកខ្ទឹមបារាំង និងទុកវាចោលប្រហែល១៥នាទី។ អ្នកអាចទុករហូតដល់១ម៉ោងបើសិនជាមិនប្រញ៉ាប់ទៅណាទេ។
ក្រោយពីប្រើវិធីព្យាបាលនេះរួច ចូរលាងសក់ធម្មតា និងប្រើក្រែមបន្ទន់សក់ផងទៅ។ ការព្យាបាលនេះគួរតែធ្វើពីរដងក្នុងមួយខែ។ ហើយអ្នកក៏មិនបាច់បារម្ភអំពីក្លិនអាក្រក់របស់ខ្ទឹមបារាំងនេះដែរ៕
