ព្រូនអាចចូលក្នុងខ្លួនមនុស្សយើងបានតាមរយៈការញ៉ាំអាហារ និងទឹក ព្រមទាំងភ្នាក់ងារចម្លងដូចជា មូស និងការរួមភេទ ឬតាមរយៈច្រមុះ និងស្បែក។ ខាងក្រោមនេះគឺជាវិធីសាស្ត្រដែលអ្នកអាចដោះស្រាយបញ្ហាព្រូនក្នុងពោះវៀនបានដោយខ្លួនឯង។
វិធីទី១
ការ៉ុតត្រូវបានគេស្គាល់ថាអាចព្យាបាលព្រូនក្នុងពោះវៀនបាន។ ចូរចិតការ៉ុតជាដុំៗ ហើយញ៉ាំវានៅពេលពោះទទេព្រឹកឡើង។ ការធ្វើបែបនេះរាល់ថ្ងៃមិនគ្រាន់តែអាចសម្លាប់ព្រូនបានទេ តែក៏ជួយបង្ការកុំឱ្យព្រូននេះវាយប្រហារនៅថ្ងៃក្រោយបានទៀតដែរ។
វីធីទី២
រឿងដំបូងគេដែលគួរធ្វើនៅព្រឹកឡើងនោះគឺញ៉ាំទឹកល្ហុងមួយស្លាបព្រាបាយជាមួយនឹងទឹកឃ្មុំមួយស្លាបព្រាកាហ្វេ។ បន្ទាប់មកញ៉ាំទឹកដោះគោក្តៅឧណ្ហៗមួយកែវទៀតដែលមានដាក់ប្រេង Castor Oil ផង។ ចូរប្រើវិធីព្យាបាលបែបនេះរយៈពេលពីរថ្ងៃ។
វីធីទី៣
ខ្ទឹមសមានសមាសធាតុជាថ្នាំសម្លាប់មេរោគផ្សិត និងមេរោគផ្សេងៗយ៉ាងខ្លាំងក្លា។ ការញ៉ាំខ្ទឹមសឆៅបីកំពឹសក្នុងមួយថ្ងៃអាចជួយសម្លាប់ព្រូនគ្រប់ប្រភេទបាន។
វិធីទី៤
ដូងគឺជារបស់ដ៏មានប្រយោជន៍មួយទៀតដែលអាចដោះស្រាយបញ្ហាព្រូនក្នុងពោះវៀនបាន។ ចូរញ៉ាំកំទេចសាច់ដូងមួយស្លាបព្រាបាយក្នុងពេលញ៉ាំអាហារពេលព្រឹក បន្ទាប់មកចូរញ៉ាំប្រេង Caster Oil ៣០មីលីលីត្រនៅរយៈពេល ២ម៉ោងកន្លះក្រោយ។
វិធីទី៥
ចូរលាយទឹកម្រះមួយស្លាបព្រាបាយជាមួយនឹងបឺរទឹកដោះគោញ៉ាំម្តងក្នុងមួយថ្ងៃ ចំនួន ៣ថ្ងៃជាប់គ្នា។ នេះជាវិធីសាស្ត្រព្យាបាលបញ្ហាព្រូនក្នុងពោះវៀនដ៏សក្តិសិទ្ធមួយ៕
