ផ្លែល្ហុងគឺជាផ្លែឈើក្នុងតំបន់ត្រូពិចមួយប្រភេទដែលផ្ទុកទៅដោយឱជារសដ៏ឆ្ងាញ់ ព្រមទាំងជីវជាតិជាច្រើនសម្រាប់សុខភាពទៀតផង។ ខាងក្រោមនេះខ្ញុំនឹងបង្ហាញអំពីអត្ថប្រយោជន៍ដ៏អស្ចារ្យមួយចំនួនដែលផ្លែល្ហុងផ្តល់ឱ្យមនុស្សយើង។
- ជួយបញ្ចុះកូឡេស្តេរ៉ុលអាក្រក់បានពីរបៀប។ ទីមួយ វាផ្ទុកទៅដោយជាតិសរសៃដែលអាចបោសសំអាតកូឡេស្តេរ៉ុលដែលមានក្នុងជញ្ជាំងសរសៃឈាមអាក់ទែ។ ទីពីរ អង់ស៊ីមរបស់ផ្លែល្ហុងនឹងទប់ស្កាត់ការធ្វើអុកស៊ីតកម្មរបស់កោសិកាខ្លាញ់ ដើម្បីថែរក្សាខ្លាញ់នោះមិនអោយកកនៅក្នុងសរសៃឈាមអាក់ទែបាន។
- អង់ស៊ីម Papain មានច្រើនណាស់ក្នុងផ្លែល្ហុង ហើយក៏មានប្រយោជន៍ក្នុងការរំលាយអាហារផងដែរ។ ផ្លែល្ហុងក៏ផ្ទុកទៅដោយជាតិសរសៃមិនរលាយសម្រាប់ជួយដល់ការបន្ទោរបង់បានទៀងទាត់ដែរ។
- បើយើងនិយាយអំពីទឹករបស់ផ្លែល្ហុងវិញ គឺល្អណាស់សម្រាប់អ្នកដែលមានការបង្ករោគនៅក្នុងពោះវៀនធំ ព្រោះវាអាចជួយបណ្តេញខ្ទុះ និងទឹករំអិលចេញពីក្នុងពោះវៀនមកបាន។
- ល្ហុងមានអង់ស៊ីមច្រើនដែលមានសមាសធាតុប្រឆាំងនឹងការរលាក ដែលជាហេតុធ្វើឱ្យផ្លែឈើនេះមានប្រយោជន៍ចំពោះអ្នកឈឺសន្លាក់ និងការឈឺចាប់ផ្សេងៗដែលបណ្តាលមកពីជំងឺរលាកសន្លាក់។ ក្រៅពីនេះផ្លែល្ហុងក៏ទំនងជាជួយអ្នកកុំឱ្យប្រឈមនឹងជំងឺពុកឆ្អឹង និងមហារីកបានដែរ។
- ល្ហុងផ្ទុកទៅដោយជីវជាតិជាច្រើនមែន ប៉ុន្តែមានកាឡូរីទាប ដូច្នេះវាពិតជាល្អខ្លាំងណាស់សម្រាប់អ្នកចង់រក្សាទម្ងន់ ឬសម្រកទម្ងន់។
- ដោយសារតែផ្លែល្ហុងមានវីតាមីន A និង C ច្រើន ដូច្នេះវាអាចជួយបង្កើនមុខងារប្រព័ន្ធភាពស៊ាំបាន។ បើសិនជាអ្នកមានការបង្ករោគ និងមានបញ្ហាសុខភាពដូចជាក្អក ឬផ្តាសាយនោះ ចូរញ៉ាំផ្លែល្ហុងឱ្យបានទៀងទាត់ទៅ។
- មធ្យោបាយដ៏ល្អមួយក្នុងការព្យាបាលអាការៈចង្អោរ និងចាញ់កូនចំពោះស្ត្រីនោះគឺ ការញ៉ាំផ្លែល្ហុងភ្លាមៗក្រោយពីភ្ញាក់ពីគេង។
- ការញ៉ាំផ្លែល្ហុងគួរតែធ្វើលើបុគ្គលណាដែលមានមានរបួសលើខ្លួន និងការបង្ករោគទាំងឡាយណាដែលក្រជា។
- ល្ហុងនេះដែរត្រូវបានគេទទួលស្គាល់ថាជួយសម្រួលដល់រដូវមកទៀងទាត់ទៀតផង។ ក្រៅពីនេះវាក៏អាចជួយដោះស្រាយការឈឺចាប់ក្នុងពេលមករដូវ ឈឺសន្លាក់ និងបញ្ហាក្រពះបានដែរ។
- អង់ទីអុកស៊ីដង់ដែលមានក្នុងផ្លែល្ហុងអាចជួយរក្សាភាពវ័យក្មេង និងរក្សាស្បែកឱ្យកាន់តែភ្លឺរលោងជាប់បាន នេះដោយសារតែអង់ទីអុកស៊ីដង់ទៅបញ្ឈប់រាល់ការបំផ្លាញរបស់រ៉ាឌីកាល់សេរីដែលនាំឱ្យឆាប់ចាស់។
- អ្នកប្រហែលជាអាចទទួលបានប្រយោជន៍ច្រើនចំពោះសុខភាពស្បែកតាមរយៈការលាបល្ហុងលើស្បែក ដូច្នេះវាពិតជាល្អណាស់ក្នុងការប្រើជាម៉ាស់បិតមុខសម្រាប់អ្នកមានអាការៈមុខកើតមុន៕