ក្រុងអេដម៉ុនតុន: មនុស្សរាប់លាននាក់ក្នុងពិភពលោកទទួលទានទឹកតែ ហើយពួកគេក៏ប្រឈមនឹងបញ្ហាធ្មេញឡើងពណ៌ស្រអាប់ចៀសពុំរួច។
វេជ្ជបណ្ឌិត អាវ៉ា ឆូវ មកពីសាកលវិទ្យាល័យអាល់ប៊ឺតាផ្នែកទន្ដពេទ្យ បាននិយាយថា៖ «ទឹកតែគឺជាភេសជ្ជៈដ៏ពេញនិយមលំដាប់ទី ២ លើលោក ហើយការបន្ថែមសារធាតុគីមីដើម្បីបន្ថែមពណ៌ និងក្លិនបានបង្កឲ្យជាប់ជាកំណកធ្មេញ»។
អ្នកស្រី បានបន្ដថា៖ «តែត្រូវបានកែច្នៃ ឬធ្វើអុកស៊ីតកម្មកាន់តែច្រើន កំណកស្នឹមជាប់ធ្មេញកាន់តែច្រើនផងដែរ។ ប៉ុន្ដែយើងបានរកឃើញថា ការបន្ថែមទឹកដោះគោបន្ដិចក្នុងទឹកតែជួយកាត់បន្ថយកំណកប្រកបដោយប្រសិទ្ធភាព»។
វេជ្ជបណ្ឌិតរូបនេះពន្យល់ថា ទឹកតែផ្ទុកសារធាតុគីមីបង្កើតរសជាតិល្វីង។ សារធាតុនេះមានពណ៌ងងឹត និងអាចតោងជាប់ធ្មេញធ្វើឲ្យស្រអាប់។
អ្នកស្រី ឆូវ បានរកឃើញថា សារធាតុប្រូតេអ៊ីនកាសេអ៊ីនក្នុងទឹកដោះគោ លាយបញ្ចូលជាមួយសារធាតុល្វីងជាមួយតែអាចទប់ទល់បញ្ហាស្នឹម។ ការស្រាវជ្រាវត្រូវបានចុះផ្សាយក្នុងទស្សនាវដ្ដីអនាម័យទន្ដសាស្ដ្រអន្ដរជាតិ។
ព័ត៌មាននេះបានចេញផ្សាយក្រោយពេលការសិក្សាជាច្រើនបានរកឃើញថា ទឹកតែជួយកាត់បន្ថយអត្រាមរណៈពីធាតុបង្កផ្សេងៗដែលទាក់ទងនឹងបេះដូងរហូតដល់ ១ ភាគ ៤ បើធៀបនឹងអ្នកអត់ផឹកទឹកតែ។
អត្ថប្រយោជន៍នៃការទទួលទានទឹកតែមានវិសាលភាពធំទូលាយដោយសារតែរសជាតិដ៏ឈ្ងុយឆ្ងាញ់របស់វា និងគ្រឿងផ្សំប្រឆាំងនឹងជំងឺដែលត្រូវបានគិតថា ជាសារធាតុល្អ......
