ជីវ៉ាន់ស៊ុយ និងក្រូចឆ្មា ជួយព្យាបាលរលាក ហើម ឈឺសន្លាក់ និងថែរក្សា សម្រស់
យើងដឹងហើយថា ផ្លែឈើ និងបន្លែជាច្រើនមានអត្តប្រយោជន៏ដល់សុខភាព សម្រស់ និងជាឪសថផងដែរ ហើយវាក៏មានតំលៃថោក សមរម្យ និងងាយស្វែងរក។ ថ្ងៃនេះខ្មែរណូត នឹងលើកយកអត្ថប្រយោជន៍ផ្លែក្រូចឆ្មា លាយជាមួយ និងជីវ៉ាន់ស៊ុយ ដែលជួយបំបាត់ បាក់តេរី និងព្យាបាលជំងឺមួយចំនួន។ ជីវ៉ាន់ស៊ុយ ជួយព្យាបាលអាការៈររលាក ហើម ឈឺសន្លាក់ឆ្អឹង ការឈឺចុកចាប់ដើមទ្រូង ចំណែកឯ ផ្លែក្រូចឆ្មាវិញ គេប្រើប្រាស់ក្នុងការថែរក្សាសម្រស់ និងធ្វើជាឪសថបានមួយចំនួនដែរ។
ដើម្បីធ្វើការផ្សំគ្នារវាង ក្រូចឆ្មា និងជីវ៉ាន់ស៊ុយនេះ អ្នកត្រូវយកក្រូចឆ្មា ដែលពុំបកសំបក កិនជាមួយនឹងជីវ៉ាន់ស៊ុយ រួចលាយជាមួយ ទឹកឃ្មុំបន្តិច (ប្រសិនបើអ្នកចង់) ដើម្បីប្រសិទ្ធភាពខ្ពស់ក្នុងការកំចាត់បាក់តេរី។ បន្ទាប់មកស្រង់យកសំបក គ្រាប់ ឬកាកមួយ ចំនួនចេញ ហើយរក្សាទឹករបស់វា ទុកនៅក្នុងទូរទឹកកក។ ចុងក្រោយអ្នកគ្រាន់តែបរិភោគវាមួយស្លាបព្រា មុខពេលទទួលទានអាហារ ពេលព្រឹក និងល្ងាចជាការស្រេច នោះវាពិតជាអាចជួយព្យាបាល និងការពារជំងឺមួយចំនួនបាន។
