បច្ចុប្បន្ននេះ ខ្ញីត្រូវបាន គេប្រើ ជាទូទៅទូទាំងពិភពលោក ព្រោះវា មានអត្ថប្រយោជន៍យ៉ាងច្រើនសម្រាប់សុខភាព។ តែទោះជា យ៉ាងណា វា ក៏ អាចបង្កឲ្យមានគ្រោះថ្នាក់ដល់ សុខភាពនៅក្នុង ស្ថានភាពមួយចំនួន ដែរ។
ជាទូទៅខ្ញីត្រូវបានគេប្រើដើម្បីធ្វើជាម្ហូបអាហារ ហើយវាត្រូវបានគេ យកមកធ្វើជាឱសថសម្រាប់ព្យាបាល ជំងឺមួយចំនួនថែមទៀត។ ខ្ញីមានផ្ទុក អង់ស៊ីមជាច្រើនដែលជួយដល់ ការរំលាយអាហារ និងការលាង សម្អាតជាតិពុលនៅក្នុង រាងកាយ។
លោក វេជ្ជបណ្ឌិត បានណែនាំ មិនឲ្យ ប្រើខ្ញីច្រើនជាង ៤ ក្រាមទេ ក្នុងមួយថ្ងៃ ហើយ ប្រសិនបើអ្នកប្រើប្រាស់វាច្រើនជាងនេះ វា អាចធ្វើឲ្យ អ្នកមានអការៈក្អួតចង្អោរ, ក្រហាយ ដើមទ្រូង និង មានការឈឺចាប់ជាដើម។
តើ ក្រុមមនុស្សប្រភេទណា ដែលគួរ ជៀសវាងការប្រើខ្ញី ?
ស្រ្តីមានផ្ទៃពោះ
ខ្ញីត្រូវបានហាមប្រាមសម្រាប់ស្រ្តីមាន ផ្ទៃពោះ ព្រោះវាអាចធ្វើឲ្យ ទារកកើតមកមិនគ្រប់ខែ។ ជាពិសេសអ្នកម្ដាយដែលមានផ្ទៃពោះស្ថិតក្នុងសប្ដាហ៍ចុងក្រោយ ពួកគេ ត្រូវ ជៀសវាងជា ដាច់ខាត។
បុគ្គលដែល ស្គម ពេក
ខ្ញីមានសមត្ថភាពក្នុង ការទប់ស្កាត់ ការឃ្លានអាហារ និងជម្រុញ ដំណើរការដុតបំផ្លាញ ជាតិខ្លាញ់។ ហេតុនេះហើយបានជាមនុស្សដែលមាន ទម្ងន់ តិច គួរតែជៀសវាងការប្រើប្រាស់ ខ្ញី ព្រម ទាំងអាហារបំប៉នផ្សេងៗ ដែលធ្វើពីខ្ញីផងដែរ។
បុគ្គលដែល មានបញ្ហាឈាម
ខ្ញីធ្វើឲ្យមានភាពប្រសើរឡើង នូវចលនាចរន្ដឈាម និងជម្រុញ លំហូរឈាម។ ទោះជាយ៉ាងណា វាអាច មានឥទ្ធិពលក្នុងការប្រឆាំង សម្រាប់ មនុស្សដែល មានការកង្វះឈាមដែល ស្ទះប្រូតេអ៊ីន និងទទួលរងពីជំងឺ។ ការទទួលទានខ្ញី ក្នុង ករណីនេះ អាចឲ្យមានផលអាក្រក់ និងបង្កជាជំងឺ លើសឈាម ផងដែរ។
អ្នកដែលកំពុងប្រើថ្នាំដើម្បី ព្យាបាល
មនុស្សដែល មានជំងឺ ទឹកនោមផ្អែម និងមានបញ្ហាជាមួយ ឈាម គួរតែជៀសវាង ជាដាច់ខាត់ក្នុងការប្រើប្រាស់ខ្ញី ព្រោះវា អាចនាំ មានផលវិបាកដល់សុខភាពកាន់តែធ្ងន់ធ្ងរ។ អ្នក មិនត្រូវ ប្រើវាស្របពេលជាមួយគ្នាដែលកំពុងប្រើថ្នាំ ប្រឆាំង កំណកឈាម និងថ្នាំ ទឹកនោមផ្អែមទេ។
មតិយោបល់របស់ប្រិយមិត្ត
