ការថែរក្សាសក់ឲ្យមានក្លិនក្រអូបជាប់បានយូរ វាមិនមែនជារឿងពិបាកដូចទៅសុំភ្លើងយក្សនោះទេ។ សម្រាប់សុភាពនារីដែលចង់ឲ្យសក់របស់ខ្លួន មានក្លិនក្រអូបប្រហើរជាប់បានយូរ ជារៀងរាល់ថ្ងៃនោះ ដោយអ្នកគ្រាន់តែចំណាយពេលវេលាបន្តិចបន្តួចប៉ុណ្ណោះ
1. ការកក់សក់ : អ្នកគប្បីកក់សក់ជាមួយនឹងសាប៊ូដែលមានក្លិនក្រអូប។ នៅពេលអ្នកកក់សក់ម្ដងៗ ត្រូវលាងសម្អាតស្បែកក្បាល ឲ្យបានស្អាតល្អផងដែរ។ ជាធម្មតា ស្បែកក្បាលដែលមិនស្អាត អាចកើតអង្គែ ហើយមានក្លិនមិនល្អ។
2. ការដុសសម្អាតស្បែកក្បាល : អ្នកគួរដុសស្បែកក្បាលដោយប្រើចុងម្រាមដៃ។ ការដុសសម្អាតស្បែកក្បាលដោយប្រើចុងម្រាមដៃនេះ អ្នកត្រូវចៀសវាងការប្រើក្រចកដៃដុស ព្រោះអាចបណ្ដាលឲ្យដាច់សក់ ឬដាច់ស្បែកក្បាលបាន។
3. លាងសម្អាតសក់ : សូមលាងសម្អាតសក់ដោយប្រើទឹកក្ដៅឧណ្ឌៗ បន្ទាប់មកលាបក្រែមបន្ទន់សក់ រួចលាងជម្រះឲ្យស្អាត។ ហើយអ្នកត្រូវទុកសក់ចោលឲ្យត្រូវខ្យល់ ឬប្រើប្រដាប់ផ្លុំសក់ ដើម្បីធ្វើឲ្យវាស្ងួតក៏បាន។
4. ប្រើប្រាស់ផលិតផល : អ្នកអាចប្រើផលិតផលណា ដែលជួយធ្វើឲ្យសក់ស្រាល និងមានក្លិនក្រអូបប្រហើរជាប់បានយូរ ឬក៏បាញ់ទឹកអប់ដាក់ដៃ រួចជ្រលី ហើយយកទៅញីនៅលើសក់ក៏បាន។ ចំណែកឯក្រាសសិតសក់ ត្រូវសម្អាតឲ្យស្អាតជានិច្ច ពីព្រោះថា នៅពេលប្រើប្រាស់ផលិតផលសម្អាងណាមួយ វាអាចជាប់នៅនឹងក្រាសនោះ នឹងធ្វើឲ្យជាប់ក្លិនមិនល្អផងដែរ។
