ចង់ញ៉ាំយ៉ាងម៉េចមិនឱ្យឡើងទម្ងន់ទេ? អត្ថបទនេះអាចជួយបាន!!!
មែនហើយ អ្នកអាចញ៉ាំកាន់តែច្រើន តែនៅតែអាចស្រកទម្ងន់បាន ហើយមិនអាចថាឃ្លានអាហារទៀតទេនៅពេលអ្នកកំពុងតែព្យាយាមសម្រក ទម្ងន់។ ពេលនេះខ្ញុំនឹងបង្ហាញអំពីរបៀបដែលជួយឱ្យអ្នកអាចញ៉ាំកាន់តែច្រើន តែនៅអាចសម្រកទម្ងន់បានទៀត។
កុំតមអាហារពេលព្រឹក
ចូរចាប់ផ្តើមថ្ងៃថ្មីជានិច្ចជាមួយអាហារពេលព្រឹកផ្តល់ សុខភាព និងមានតុល្យភាពដូចជា អាហារសម្បូរប្រូតេអ៊ីនដូចជា គ្រាប់ធញ្ញជាតិ បន្លែ និងផ្លែឈើជាដើម។ អាហារពេលព្រឹកដែលសម្បូរប្រូតេអ៊ីនខ្ពស់នឹងជួយគ្រប់គ្រងការឃ្លាន អាហារពេញមួយថ្ងៃបាន។
អាហារពេលព្រឹកគឺជាគន្លឹះដ៏សំខាន់មួយសម្រាប់ជំរុញដល់ការរំលាយ អាហារ និងការសម្រកទម្ងន់ប្រកបដោយជោគជ័យ។ ទោះបីជាពេលអ្នកកំពុងតែប្រញ៉ាប់ក៏ដោយ ក៏គួរតែជ្រើសរើសអាហារពេលព្រឹកដែលលឿន និងមានរសជាតិដែរ។
ញ៉ាំអាហារផ្តល់សុខភាព
រឿងដ៏សំខាន់ដែលត្រូវចងចាំនោះគឺត្រូវញ៉ាំអាហារផ្តល់ សុខភាព។ វាអាចនឹងមានការផ្លាស់ប្តូរមែន ប៉ុន្តែនៅពេលអ្នកញ៉ាំអាហារធម្មតាៗ និងអាហារមានសុខភាពល្អ ការឃ្លានរបស់អ្នកក៏នឹងប្រែប្រួលទៅតាមគ្នាដែរ។
បន្ទាប់មក អ្នកនឹងបង្កើតជាទម្លាប់ញ៉ាំអាហារបែបថ្មីជាមិនខាន។ ចូរចាប់ផ្តើមការញ៉ាំអាហារតិចៗតាមរយៈការប្រើប្រាស់ប្រេងអូលីវពេល ចំអិនអាហារ ប្រើខ្ទឹមស អំបិល និងម្រេចជំនួសទឹកជ្រលួក និងការប្រើប្រាស់ផ្លែបឺជំនួសការធ្វើសាឡាត។
ការញ៉ាំអាហារសម្រន់
ចូរធ្វើយ៉ាងណាឈ្លាតពេលញ៉ាំអាហារសម្រន់ដែលផ្តល់សុខភាព និងចៀសវាងការញ៉ាំអាហារច្រើនជ្រុលវិញ។ អាហារសម្រន់ផ្តល់សុខភាព និងមានកាឡូរីខ្ពស់មានដូចជា ផ្លែឈើគ្រាម និងគ្រាប់ធញ្ញជាតិ ហើយក៏គួរតែញ៉ាំក្នុងចំនួនតិចបានហើយ។
កុំញ៉ាំអាហារផ្តល់សុខភាពច្រើនពេក
ចូរចៀសវាងការបន្ថែមអាហារផ្តល់សុខភាពទៅក្នុងរបបអាហារ ញ៉ាំរាល់ថ្ងៃ ព្រោះវាអាចធ្វើឱ្យអ្នកញ៉ាំច្រើនជ្រុលបាន។ ចូរជ្រើសរើសអាហារផ្តល់សុខភាពជំនួសការញ៉ាំអាហារសម្រន់ដែលអ្នក ធ្លាប់តែចូលចិត្តវិញទៅ។ ឧទាហរណ៍ដ៏ល្អនោះគឺ ការញ៉ាំដំឡូងដុតជំនួសការញ៉ាំដំឡូងចៀន។ ញ៉ាំរបស់ផ្អែមខ្លះ
ចូរបន្ថែមអាហារមានរសជាតិផ្អែមទៅក្នុងរបបអាហារដើម្បី ជំនួសការញ៉ាំបង្អែមដែលផ្អែមពេកបាន។ ចូរបន្ថែមផ្លែសារី ឬផ្លែប៉ោមដើម្បីធ្វើឱ្យអ្នកមានអារម្មណ៍ថារីករាយកាន់តែខ្លាំងនឹង ការញ៉ាំអាហារ៕
