របបអាហារដែលផ្តល់នូវសុខភាពគឺជាអាថ៌កំបាំងមួយដើម្បីទទួលបានស្បែកដ៏មានសុខភាពល្អ។ បើសិនជាអ្នកកំពុងតែងើយឆ្ងល់ថាមានអាហារអ្វីខ្លះអាចជួយថែរក្សាស្បែកបាននោះ ចូរធ្វើការស្វែងយល់អំពីផ្លែគីវីម្តងទៅ។ វាគឺជាផ្លែឈើមួយដ៏ល្អបំផុតដែលអាចផ្តល់ភាពស្រស់ស្រាយដល់ស្បែកអ្នកបាន។ ខាងក្រោមនេះគឺជាហេតុផលមួយចំនួនដែលអ្នកគួរតែសាកល្បង។
យពន្យាពេលចេញរោគសញ្ញានៃភាពចាស់
ការញ៉ាំផ្លែគីវីទៀងទាត់ក៏អាចកាត់បន្ថយរោគសញ្ញានៃភាពចាស់ និងស្បែកដែលខូចខាតបានដូចជា អាការៈស្បែកជ្រីវជ្រួញ ការមានផ្នត់ៗលើស្បែក និងកន្ទួលលើស្បែកដោយសារកម្តៅព្រះអាទិត្យ។ នេះហើយគឺជាហេតុផលមួយផ្សេងទៀតដែលជាឥទ្ធិពលដ៏ល្អរបស់ផ្លែគីវី តាមរយៈការធ្វើឱ្យកោសិកាទាំងនេះលូតលាស់ឡើងវិញបានកាន់តែលឿន។
ជំនួយដល់ការច្រោះជាតិពុល
ផ្លែគីវីសម្បូរជាតិសរសៃដែរ ដែលអាចជួយច្រោះជាតិពុលចេញពីពោះវៀនធំបាន ដូច្នេះវាក៏ល្អក្នុងការច្រោះកាកសំណល់ពីក្នុងខ្លួនទៀត។ ការច្រោះនេះអាចធ្វើឱ្យស្បែកមើលទៅកាន់តែស្រស់ស្អាតជាងមុន និងសុខភាពល្អជាងមុន។
បង្កើតកោសិកាស្បែកថ្មីៗវិញ
ផ្លែគីវីសម្បូរទៅជីវជាតិចម្រើនដល់សុខភាពស្បែកណាស់ដូចជាវីតាមីន E, C និង A ដែលដើរតួនាទីជាអង់ទីអុកស៊ីដង់សម្រាប់ប្រឆាំងនឹងរ៉ាឌីកាលសេរី និងការពារស្បែកពីអុកស៊ីតកម្មផ្សេងៗ ព្រមទាំងកាត់បន្ថយការខូចកោសិកាទៀត។ ក្រៅពីនេះ វានឹងជួយបន្ថយការលូតលាស់កោសិការថ្មីៗឡើងវិញ ដូច្នេះស្បែកអ្នកនឹងមើលទៅកាន់តែក្មេងជាងមុន និងស្អាតជាងមុន។
នួយដល់ការជារបួស
ដោយសារតែផ្លែគីវីសម្បូរទៅដោយវីតាមីន C ដូច្នេះវាអាចជួយដល់ការផលិតសារធាតុ Collagen បានលឿនជាងមុនក្នុងការជួយឱ្យរបួសឆាប់ជា។ វាក៏ជួយប្រឆាំងនឹងការរលាកបានយ៉ាងល្អផងដែរ។ ក្រៅពីនេះ ផ្លែគីវីមានអាស៊ីតខ្លាញ់អូមេហ្គាបី ដែលល្អបំផុតក្នុងការបង្ការជំងឺស្បែកច្រើនប្រភេទ និងថែរក្សាភ្នាសកោសិកាឱ្យនៅសុខភាពល្អ។
បង្ការជំងឺមុន
សាច់ផ្លែគីវីមានសារធាតុ AHA ឬ Alpha Hydroxyl Acids បែបធម្មជាតិ ដែលអាចសម្អាតស្បែកបានតាមរយៈយន្តការណ៍ Micro-peeling។ ក្រៅពីនេះ សមាសធាតុប្រឆាំងនឹងការរលាករបស់សាច់ផ្លែគីវីអាចជួយសម្លាប់បាក់តេរីចេញពីលើស្បែកបានទៀត។
យឱ្យស្បែកភ្លឺរលោង
វីតាមីន C និងសារធាតុ AHA ក្នុងផ្លែគីវីអាចជួយឱ្យស្បែកភ្លឺរលោង និងកាត់បន្ថយភាពជាំបានតាមរយៈការជម្រុះស្រទាប់ស្បែកងាប់ៗចោល។ ដូច្នេះវានឹងធ្វើឱ្យស្បែកសស្អាតជាងមុន និងតឹងជាងមុនដែរ។ អ្វីដែលត្រូវធ្វើនោះគឺថា ត្រូវតែលាបល្បាយផ្លែគីវីលើស្បែករាល់យប់មុនពេលចូលគេង។
អត្ថប្រយោជន៍ផ្សេងៗទៀត
ផ្លែគីវីមិនគ្រាន់តែជួយអ្នកទទួលបានស្បែកដ៏ស្រស់ស្អាតដូចបំណងទេ តែវាក៏ជួយដល់សរីរាង្គទាំងឡាយក្នុងខ្លួនបំពេញមុខងារបានយ៉ាងល្អដែរ។ វាអាចថែរក្សាអ្នកពីជំងឺជាច្រើនបានដូចជា ជំងឺបេះដូង ជំងឺហឺត មហារីកពោះវៀនធំ កូឡេស្តេរ៉ុលក្នុងឈាមឡើងខ្ពស់ និងជំងឺផ្លូវដង្ហើមជាច្រើនទៀត៕
