ជម្ងឺភ្នែកស្ងួត គឺជាជម្ងឺមួយដែលធ្វើឲ្យមានការក្រហាយភ្នែក។ មិនតែប៉ុណ្ណោះ ជម្ងឺភ្នែកស្ងួតនេះ មិនត្រឹមតែផ្ដល់ភាពក្រហាយដល់ភ្នែកប៉ុណ្ណោះទេ បើទុករយៈពេលយូរៗក្រោយមក វាអាចធ្វើឲ្យកញ្ចក់ភ្នែករបស់អ្នក របួសបាន។ ដូចនេះ អ្នកគួរប្រញាប់ព្យាបាល ដោយការទទួលទានអាហារការពារជម្ងឺភ្នែកស្ងួត ជាមុន ដែលអាហារទាំងនោះមានដូចជា :
- ចេក :
មានសារធាតុប៉ូតាស្យូមខ្ពស់ ជួយឲ្យរាងកាយប្រមូលផ្ដុំជាតិទឹកបានល្អជាងមុន និងជួយកែអាការភ្នែកស្ងួត ដោយបន្ថែមជាតិទឹក រួមទាំងបំបាត់អាការរមាស់ ក្រហាយបាន។
- សណ្ដែកសំបករឹង :
មានដូចជា គ្រាប់ស្វាយចន្ទី សណ្ដែកវ៉ល់ណាត់ និងសណ្ដែកប្រភេទផ្សេងៗទៀត ព្រោះសណ្ដែកទាំងអស់នោះ សម្បួរដោយអូមេហ្គា៣ ដែលជាសមាសធាតុផ្សំយ៉ាងសំខាន់ នៅក្នុងទឹកភ្នែក។ នៅពេលទទួលទានកាន់តែច្រើន ទឹកភ្នែកក៏មានច្រើនឡើងផងដែរ។
- ត្រីសមុទ្រទឹកជ្រៅ :
មានដូចជា ត្រីធូណា ត្រីសាលម៉ន គឺជាអាហារសមុទ្រ ដែលមាន អូមេហ្គា៣ យ៉ាងច្រើន ហើយវាថែមទាំងជួយបំប៉នខួរក្បាល ជួយអភិវឌ្ឍន៍ការចងចាំ ធ្វើឲ្យភ្នែកអ្នកស្អាត និងជាមនុស្សឆ្លាតថែមទៀត។
