Ibuprofen គឺជាថ្នាំសម្រាប់បំបាត់ការឈឺចាប់ ដែលអ្នកអាចរកទិញបាន ដោយមិនចាំបាច់មានវេជ្ជបញ្ជានោះទេ។
វាជាប្រភេទក្រុមថ្នាំ ប្រឆាំងការរលាក ដែលមានមិនមែនស្តេរ៉ូអ៊ីត (NSAIDs)។ Ibuprofen អាចត្រូវបានគេប្រើដើម្បី ៖
• បន្ថយការឈឺចាប់តិចតួច ដូចជា ការឈឺធ្មេញ ការឈឺក្បាល និងការឈឺចុកចាប់ពេលមានរដូវ
• បំបាត់គ្រុនក្តៅ
• បំបាត់ការឈឺចាប់ និងការរលាក (តឹងណែន ក្រហម និងហើម) ដោយសារជំងឺរលាកសន្លាក់
• បំបាត់ការឈឺចាប់ និងហើម ដោយសារការគ្រេច ថ្លោះ ឬប្រេះស្រាំ ដូចជា ដោយសារការលេងកីឡាជាដើម។
កូនក្មេង អាចប្រើប្រាស់ថ្នាំ Ibuprofen បានដែរឬទេ?
Ibuprofen អាចត្រូវបានប្រើលើកុមារ ដែលមានអាយុលើសពី ៣ ខែ និងមានទម្ងន់លើសពី ៥ គីឡូក្រាម ដើម្បី ៖
• បំបាត់ការឈឺចាប់
• បំបាត់ការរលាក
• បំបាត់គ្រុនក្តៅ។
ក្នុងករណីមួយចំនួន គ្រូពេទ្យ អាចនឹងចេញវេជ្ជបញ្ជា ឲ្យប្រើប្រាស់ថ្នាំនេះ លើទារកដែលមានអាយុតិចជាង ៣ ខែ ប្រសិនបើការប្រើប្រាស់ថ្នាំ Paracetamol មិនមានប្រសិទ្ធភាពនោះទេ។
ពេលប្រើប្រាស់ថ្នាំនេះ ឪពុកម្តាយគ្រប់រូប គួរប្រុងប្រយ័ត្ន និងស្តាប់តាមការណែនាំរបស់គ្រូ ឬការណែនាំនៅលើសំបកថ្នាំ ដោយពឹងផ្អែកទៅលើ ៖
• អាយុកុមារ
• ទម្ងន់កុមារ
• កម្លាំងនៃថ្នាំ ibuprofen ដែលគិតជា មីលីក្រាម។
ចំណាំ ៖ សូមពិភាគ្សាជាមួយគ្រូពេទ្យ មុនប្រើប្រាស់ថ្នានេះ.
