ទទួលទានភេសជ្ជៈបំបាត់ជាតិពុលមានសារសំខាន់ទី១ជួយឱ្យអ្នកស្រកទម្ងន់តាមបែបធម្មជាតិ ដោយមិនមានការប៉ះពាល់ និងទី២លាងសម្អាតជាតិពុល ជាតិគីមីចេញពីរាងកាយរបស់អ្នក ។ ក្រៅពីនេះភេសជ្ជៈបន្សាបជាតិពុលជួយបន្ថែមនូវជាតិរ៉ែ និងវីតាមីនជាច្រើនដល់រាងកាយដែលភាគច្រើនពួកវាទាំងនោះមាននៅក្នុងទឹកផ្លែឈើធម្មជាតិ ។ ពេលនេះអ្នកនឹងទទួលបានសុខភាពល្អ បន្ទាប់ពីទទួលទានភេសជ្ជៈបំបាត់ជាតិពុល ។
១-ទទួលទានទឹកផ្លែស្វាយ និងទឹកម្នាស់ ៖ គឺជាវិធីសាស្ត្រមួយសម្រាប់សុខភាពជាមួយនឹងការទទួលទានទឹកស្វាយ និងទឹកម្នាស់ស្រស់មួយកែវ ។ ស្រស់ ឆ្ងាញ់ និងពោរ ពេញទៅដោយសារធាតុចិញ្ចឹមដែលមានគុណប្រយោជន៍ខ្ពស់បំផុត ។ ភេសជ្ជៈនេះនឹងផ្តល់នូវសារធាតុរ៉ែ និងវីតាមីនទៅឱ្យរាងកាយរបស់អ្នកដែលត្រូវបំពេញការងារជាប្រចាំ ហើយវាផ្តល់ថាមពលឱ្យអ្នកពេញមួយថ្ងៃ ។ ក្រៅពីនេះការទទួលទានទឹកផ្លែស្វាយ និងទឹកម្នាស់ ធ្វើឱ្យរាងកាយរបស់អ្នកប្រឆាំងនូវសារធាតុអុកស៊ីតកម្ម និងជួយលាងសម្អាតជាតិពុលដែលមាននៅក្នុងពោះវៀនរបស់អ្នកផងដែរ ។ នេះគឺជាភេសជ្ជៈមួយដែលជាប្រភពនៃសារធាតុប្រឆាំងនឹងអុកស៊ីតកម្ម ហើយនៅពេលអ្នកទទួលទានវាជារៀងរាល់ព្រឹកនឹងមានអារម្មណ៍ថា ខុសប្លែកពីធម្មតា ។
២-ទឹកបន្លែស្លឹកបៃតង ៖ ភាគច្រើនមនុស្សយើងមិនសូវជាចូលចិត្តទទួលទានបន្លែទេ ពិសេសស្លឹកបន្លែបៃតង បើទោះជាយើងដឹងថា វាមានគុណប្រយោជន៍សម្រាប់សុខភាពក៏ដោយ ។ ប្រសិនបើអ្នកមិនចូលចិត្តទទួលទានបន្លែបៃតងឆៅទេ ហេតុអ្វីបានជាអ្នកមិនយកវាទៅក្រទ្បុក ឬច្របាច់ឱ្យក្លាយជាទឹកវិញ ? ការធ្វើបែបនេះគឺងាយស្រួលក្នុងការទទួលទាន ហើយអ្នកក៏អាចបន្ថែមនូវគ្រឿងផ្សំដើម្បីឲ្យកាន់តែមានរសជាតិ ។ ស្លឹកបន្លែបៃតងទាំងនេះគឺជាផ្នែកមួយដ៏សំខាន់ជួយរក្សារាងកាយរបស់អ្នកឱ្យមានសំណើមពិសេសសំណើមស្បែក ។ ក្រៅពីនេះអ្នកអាចជ្រើសរើសយកបន្លែបៃតងដទៃទៀតពីខាត់ណាដើម និងត្រសក់ដើម្បីច្របាច់យកទឹកមកទទួលទាន ពេលនោះរាងកាយរបស់អ្នកនឹងរឹងមាំ ។
៣-តែបៃតង ៖ តែបៃតងត្រូវបានប្រើប្រាស់ជាប្រយោជន៍ដល់សុខភាពជាយូរយារណាស់មកហើយរហូតបច្ចុប្បន្នជាពិសេសនៅតំបន់អាស៊ី ។ តើយើងនឹងទទួលបានអ្វីបន្ទាប់ពីទទួលទានតែបៃតងមួយកែវរាល់ថ្ងៃ ? ការទទួលទានទឹកក្រូចឆ្មា រ និងតែបៃតងនឹងទទួលបានគុណប្រយោជន៍ទ្វេដងក្នុងការលាងសម្អាតជាតិពុល ។ អ្នកប្រហែលជាដឹងហើយថា ភាគច្រើនទឹកផ្លែឈើគឺមិនមានលាយតែបៃតងនោះទេ ប៉ុន្តែសម្រាប់ទឹកក្រូចឆ្មារវិញ អ្នកត្រូវតែបន្ថែមជាមួយនឹងតែបៃតង ដើម្បីធ្វើឱ្យមានរសជាតិកាន់់តែឆ្ងាញ់ ហើយពេលនោះអ្នកនឹងទទួលបានការការពារពីផលប៉ះពាល់របស់អុកស៊ីតកម្ម ក្រោយពេលទទួលទានវារួច ។ លើសពីនេះទៀតវាបង្កើនការរំលាយអាហារក្នុងក្រពះពោះវៀនកាន់តែឆាប់រហ័ស បង្កើនការទទួលទានជាតិប៉ូតាស្យូម និងជាតិហ្វាយបឺដើម្បីបន្ថែមដល់ដំណើរការបន្សាបជាតិពុលនៅក្នុងរាងកាយតាមបែបធម្មជាតិ ។ ភេសជ្ជៈនេះក៏មានសារសំខាន់សម្រាប់អ្នកទាំងទ្បាយណា ដែលបានទទួលទានគ្រឿងស្រវឹង ឬក៏អ្នកដែលមិនមានរបបអាហារបំបាត់ជាតិពុលទៀងទាត់ និងសម្រាប់អ្នកដែលមានការព្រួយបារម្ភចំពោះផលប៉ះពាល់នៃសារធាតុគីមីមកលើរាងកាយ ។
៤-ទឹកឪទ្បឹក ៖ ជាភេសជ្ជៈដ៏ឆ្ងាញ់មួយដែលអ្នកអាចទាញវាចេញពីផ្លែឪទ្បឹក ឬផ្លែត្រសក់ ព្រោះថា ទាំង២ប្រភេទនេះមានគុណប្រយោជន៍ដូចគ្នា ហើយសម្រាប់ពេលវេលារៀបចំធ្វើវិញមានរយៈពេលតិចជាងប្រាំនាទីប៉ុណ្ណោះ ។ អ្វីដែលអ្នកត្រូវការនោះគឺចំណិតផ្លែឪទ្បឹកមួយចំនួន ឬត្រសក់ដែលមានទំហំមធ្យម១ ឬក៏២ផ្លែ ក្រូចឆ្មារមួយចំនួន ជីរអង្កាម២សន្លឹក និងទឹកស្អាត ។ នេះគឺជាវិធីសាស្ត្រដ៏ល្អប្រសិនបើអ្នកចង់កម្ចាត់ជាតិពុលក្នុងរាងកាយ អ្នកគួរទទួលទានភេសជ្ជៈប្រភេទនេះនៅពេលយប់ ។ ការលាយបញ្ចូលគ្នានេះនឹងធ្វើឱ្យមានដំណើរការកាន់តែល្អដល់ថ្លើម និងតម្រងនោម ។
៥-ការបំបាត់ជាតិពុលជាមួយក្រូចឆ្មារ និងទឹកក្តៅ ៖ ដំបូងយើងត្រូវមានក្រូចឆ្មារមួយផ្លែ និងទឹកក្តៅ ។ អ្វីដែលអ្នកត្រូវធ្វើគឺច្របាច់ក្រូឆ្មារមួយចំហៀងចូលទឹកក្តៅក្នុងកែវ ហើយទទួលទានទឹកក្រូចឆ្មារនេះមុនពេលញ៉ាំអាហារពេលព្រឹក ។ បន្ទាប់មកអ្នកអាចបន្តទទួលទានអាហារបានជាធម្មតា ។ ប៉ុន្តែប្រសិនបើអ្នកមមាញឹកមិនបានធ្វើវានៅពេលព្រឹក អ្នកអាចរៀបចំធ្វើភេសជ្ជៈនេះនៅពេលយប់ទុកត្រៀមជាស្រេច ហើយគ្រាន់តែកម្តៅវាបន្តិចនៅពេលអ្នកទទួលទានវាពេលព្រឹកជាការស្រេច ។
៦-ម្សៅ Cinnamon និងទឹកផ្លែប៉ោម ៖ នេះជាភេសជ្ជៈបំបាត់ជាតិពុលនៅពេលព្រឹក ដែលពេញនិយមមួយពាក់ព័ន្ធនឹងម្សៅ Cinnamon រុក្ខជាតិ Stevia ទឹកក្រូចឆ្មារ ទឹកកក និងទឹកផ្លែប៉ោម ។ ប្រសិនបើវាមិនត្រជាក់ទេនោះ អ្នកអាចដាក់លាយទឹកកកមួយដុំចូលទៅក្នុងទឹកនោះ ។ ទឹកដែលត្រូវទទួលទានគួរជាទឹកត្រជាក់ព្រោះនៅពេលដែលចូលទៅក្នុងរាងកាយរបស់អ្នកវានឹងបំផ្លាញកាទ្បូរី ។ វាពិតជាមានសារសំខាន់ណាស់សម្រាប់អ្នកដែលចង់បំបាត់ជាតិពុលក្នុងរបបអាហារ ការសម្រកទម្ងន់ និងការកម្ចាត់ជាតិពុលចេញពីរាងកាយក្នុងពេលតែមួយ ។
របៀបធ្វើភេសជ្ជៈប្រភេទនេះ ត្រូវយកដុំទឹកកកមួយចំនួនមកដាក់ក្នុងទឹកត្រជាក់ប្រមាណ៤៥៣ក្រាម បន្ទាប់មកដាក់ទឹកផ្លែប៉ោមមួយ ឬ២ស្លាបព្រាបាយ រួចច្របាច់ក្រូចឆ្មារមួយផ្លែ ហើយរោយរុក្ខជាតិStevia និងម្សៅ Cinnamon ជាការស្រេច ៕
