ម្ហូបអាហារ ដែលមាន សារធាតុខ្លាញ់ខ្ពស់ ពិតណាស់ វាអាច ជួយឲ្យ អាហារមានរសជាតិឈ្ងុយឆ្ងាញ់ សម្រាប់ មនុស្សទូទៅមួយចំនួន។ ប៉ុន្តែអ្នក កុំភ្លេចថា អាហារ ប្រភេទនេះ អាចបណ្ដាលឲ្យមានផលលំបាកធ្ងន់ធ្ងរ ក្នុងការប្រមូលផ្ដុំ ជាតិខ្លាញ់ក្នុងឈាម។
មនុស្សមួយចំនួន បានទទួលរងពីការប្រមូលផ្ដុំជាតិខ្លាញ់ នៅក្នុង ឈាម ដោយសារតែលក្ខខណ្ឌសុខភាពមួយចំនួនដែលទទួលឥទ្ធិពលនៃរបបអាហារ ប្រភេទនេះ។ លើសពីនេះទៅ ទៀត កម្រិត ជាតិខ្លាញ់អាចកើនឡើងខ្ពស់ដោយសារតែស្ថានភាពសុខភាព មួយចំនួនដូចជា៖ ស្រ្តេស, ការញៀន ស្រា, ជំងឺតម្រងនោម, ជំងឺថ្លើម និងជំងឺទឹកនោមផ្អែម។
មនុស្សមួយចំនួន អាចទទួលរងពីជំងឺនេះ បាន ដោយសារតែធ្លាប់បានប្រើប្រាសថ្នាំ បន្សាបគ្រឿងស្រវឹងអាចប៉ះពាល់ដល់សម្ពាធឈាម, ការប្រើប្រាស់ ថ្នាំជំនួយកម្លាំង និងថ្នាំ ពន្យា កំណើត។
អ្នកជំងឺដែលមានកម្រិត ជាតិខ្លាញ់ខ្ពស់ក្នុងឈាម គួរតែធ្វើការហាត់ប្រាណ សម្រកទម្ងន់, ពួកគេ ត្រូវការដើម្បីឲ្យរាងកាយ មានសកម្មភាព និងទទួល អាហារដែលមានកម្រិត ជាតិខ្លាញ់តិចបំផុត។ ហើយចំពោះអ្នកចូលចិត្តជក់បារីគឺជាទង្វើ រទម្លាប់មិនល្អមួយដែលធ្វើឲ្យសុខភាពរាងកាយ ទ្រុឌទ្រោម ផងដែរ។
ខាងក្រោមនេះ គឺជារូបមន្ដ ពីធម្មជាតិដ៏ល្បី របស់ប្រទេសរុស្ស៊ី ដែលមានប្រសិទ្ធិភាពខ្ពស់ក្នុងការចម្ចាត់ជាតិខ្លាញ់ ដែលបង្កឲ្យមានគ្រោះថ្នាក់នៅក្នុងឈាម។ ល្បាយនេះ វានឹង ធ្វើឲ្យចលនាឈាម មានភាពប្រសើរឡើង , កាត់បន្ថយជាតិខ្លាញ់ , ជួយឲ្យសម្ពាធឈាមមានស្ថិរភាព និងជំនួយលំហូរឈាមឲ្យ មានភាពប្រសើរឡើង។
រូបមន្ត និងគ្រឿងផ្សំ៖
– ក្រូចឆ្មា ៤ ចំណិត
– ខ្ទឹមស ៤ កំពីស
– ទឹកឆ្អិន ៣ លីត្រ
សេចក្ដីណែនាំ៖
ជាដំបូងយើងត្រូវ បកខ្ទឹមស ឲ្យស្អាត បន្ទាប់ចិតក្រូចឆ្មា ជាចំណិត បន្ទះស្ដើងៗ។ រួចដាក់គ្រឿងផ្សំទាំងនោះ ចូលទៅក្នុងទឹកឆ្អិន ក្នុងកែវថ្មមួយ។ បន្ទាប់មកយើងត្រូវរក្សាល្បាយ នេះ ទុកនៅក្នុងទូរទឹកកកឲ្យបានរយៈពេល ៣ ថ្ងៃ។ អ្នកអាចចាប់ផ្ដើមប្រើប្រាស់ល្បាយនេះបាន បន្ទាប់ ពីរយៈពេល ៣ ថ្ងៃ ប៉ុន្តែត្រូវ រក្សាល្បាយ នៅក្នុងទូរទឹកកកគ្រប់ពេលវេលា។
របៀប និងពេល ដែលត្រូវប្រើប្រាស់វា៖
អ្នកត្រូវទទួលទាន ទឹកល្បាយធម្មជាតិនេះ ៥០ មីលីលីត្រ ជារៀងរាល់ថ្ងៃមុនពេលទទួលទានអាហារ។ ម្យ៉ាងទៀតអ្នកប្រើវាតែ ១ស្លាបព្រាកាហ្វេ ប្រសិនបើអ្នក គ្រាន់តែ ប្រើវា ដើម្បីតែ ធ្វើការ លាងសម្អាតសរសៃឈាម។
ចំណាំ៖ អ្នកត្រូវធ្វើ និងអនុវត្តរូបមន្ត នេះ ឲ្យបានមួយដងក្នុងអំឡុងពេល ១ ឆ្នាំ។ ហើយល្បាយធម្មជាតិដែលទទួលបាន ត្រូវប្រើវាសម្រាប់រយៈពេល ៤០ ថ្ងៃ៕
