ក្រៅពីដំណពូជ និងអាយុ មានកត្តាមួយចំនួនផ្សេងទៀតដែលធ្វើឱ្យក្បាលសុដន់ទៅជាខ្មៅ។ វាអាចកើតឡើងគ្រប់ពេលដែលមានការប្រែប្រួលអ័រម៉ូនក្នុងរាងកាយមនុស្ស ដូចជាក្នុងពេលមករដូវ និងមានផ្ទៃពោះជាដើម។ ការបំបៅដោះកូនក៏ជាកត្តាមួយដែរ។ ការប្រើថ្នាំក៏ប្រហែលជាបណ្តាលឱ្យក្បាលសុដន់ទៅជា ខ្មៅលើសដើមដែរ។
សំណាងដែរ អ្នកមិនចាំបាច់ពន្យារពេលទទួលយកភាពអាម៉ាស់នៃការមានក្បាលសុដន់ ខ្មៅទៀតទេ ព្រោះយើងមានវិធីព្យាបាលដោយខ្លួនឯងមួយចំនួនដែលមានប្រសិទ្ធភាព ចំពោះស្ត្រីភាគច្រើនដែលមិនពេញចិត្តនឹងពណ៌លើក្បាលសុដន់របស់ខ្លួន ។
ទឹកក្រូចឆ្មារ
ការលាបទឹកក្រូចឆ្មារលើក្បាលសុដន់អាចធ្វើឱ្យមាន ការផ្លាស់ប្តូរយ៉ាងអស្ចារ្យ។ ទឹកក្រូចឆ្មារផ្ទុកទៅដោយអាស៊ីតស៊ីទ្រិច ដែលជាភ្នាក់ងារភាពសដល់ស្បែកយ៉ាងមានប្រសិទ្ធភាពបំផុត។ ទឹកក្រូចឆ្មារក៏មានវីតាមីនC ដែលជួយជួសជុល និងផ្តល់ជីវជាតិដល់កោសិកាដែលខូចៗ និងធ្វើឱ្យក្បាលសុដន់ទៅជាតឹងឡើងបាន។
ទឹកក្រូចច្របាច់
ទឹកក្រូចច្របាច់ក៏មិនខុសគ្នានឹងទឹកក្រូចឆ្មារដែរ គឺវាមានសមត្ថភាពផ្តល់ភាពភ្លឺព្រឿងៗដល់ក្បាលសុដន់បាន។ បើសិនជាលាបទៅមានអារម្មណ៍ឈឺឆៀបៗនោះ អ្នកអាចលាយទឹកក្រូចច្របាច់ជាមួយទឹកបន្ថែមទៀតបាន។ ចុចអាន៖ ការបំបៅដោះកូន សម្រាប់អ្នកម្ដាយ
ម៉ាសធ្វើពីល្ហុង
ក្នុងករណីដែលមានអារម្មណ៍ឈឺឆៀបក្រោយពីលាយទឹកក្រូចច្របាច់ ជាមួយទឹករួចហើយមក អ្នកក៏អាចប្រើម៉ាសល្ហុងជំនួសវិញបានដែរ។ ផ្លែឈើមួយប្រភេទនេះមានវីតាមីនC ច្រើនគួរសមដែរ។ ដោយសារតែវាមិនមែនជាផ្លែឈើជូរដូចក្រូចឆ្មារ ឬក្រូចនោះ ការយកវាមកប្រើលើក្បាលសុដន់ដែលខ្មៅទៅជាក្រហមព្រឿងៗវិញនោះ ពិតជាមិនធ្វើឱ្យមានបញ្ហាឡើយ។
ម៉ាសផ្លែបឺ
បើសិនជាអ្នករកផ្លែល្ហុងមិនបានទេនោះ អ្នកក៏អាចប្រើផ្លែបឺជំនួសវិញបានដែរ។ ចូរប្រើម៉ាសផ្លែបឺលាបលើក្បាលសុដន់ថ្នមៗ ហើយទុកវាចោលយូរបន្តិចមុនពេលលាងវាចេញ ព្រោះវីតាមីនC របស់ផ្លែបឺ និងជាតិខ្លាញ់ដ៏ល្អរបស់វានឹងធ្វើការបានល្អ។
ចុចអាន៖ អាហារកំពូលទាំង ១៤ មុខ ដែលប្រឆាំង និង ជំងឺមហារីក ដែលអ្នកគួរតែ បន្ថែម ចូលទៅក្នុង របបអាហារ របស់អ្នក
ចំណិតត្រសក់
ក្រៅពីបំបាត់អាការៈហើមភ្នែក ចំណិតត្រសក់ក៏ល្អបំផុតសម្រាប់បំបាត់ពណ៌ខ្មៅលើក្បាលសុដន់ដែរ។ អ្វីដែលអ្នកត្រូវការនោះគឺការម៉ាស្សាថ្នមៗដោយប្រើចំណិតត្រសក់។ ការម៉ាស្សាក៏ជួយពង្រឹងដល់លំហូរឈាមទៅក្បាលសុដន់ដើម្បីផ្តល់ ជីវជាតិទៅកន្លែងមួយនេះកាន់តែល្អដែរ។
ទឹកដោះគោស្រស់
ការលាបទឹកដោះគោស្រស់ៗលើក្បាលសុដន់អាចផ្តល់ជា ការប្រែប្រួលគួរឱ្យកត់សម្គាល់ទៅលើពណ៌របស់វាបាន។ សារធាតុ Lactic Acid ក្នុងទឹកដោះគោគឺល្អបំផុតសម្រាប់លុបបំបាត់ពណ៌ខ្មៅលើក្បាលសុដន់ ប៉ុន្តែមិនអាចបង្កការរលាកឡើយ។ ទឹកដោះគោក៏ជួយផ្តល់ជាជីវជាតិដែលក្បាលសុដន់ត្រូវការផងដែរ៕
