បើសិនបើជីវិតស្នេហារបស់អ្នកជួបការលំបាកមែននោះ កុំបារម្ភអី ព្រោះយើងមានវិធីច្រើនណាស់ដែលអាចសម្រួលដល់បញ្ហានេះបាន។ អ្វីដែលអ្នកគួរតែស្វែងយល់នោះ គឺធ្វើយ៉ាងណាទទួលទានអាហារណាដែលផ្តល់ចំណង់ខាងផ្លូវភេទអោយបានច្រើនដូចជា ៖
ម្ទេសហឹរ
មុននឹងចាប់ផ្តើមការការងារលើគ្រែ អ្នកគួរតែរៀបចំអាហារដែលមានម្ទេសហឹរអោយបានច្រើន។ អាហារហឹរទាំងនេះផ្ទុកទៅដោយសារធាតុ Capsaicn ដែលអាចជួយបង្កើនរបត់ឈាមរត់ និងជម្រុញដល់ការច្របាច់ឈាមកាន់តែល្អ។ វាក៏ទៅភ្ញោចដល់ចុងសរសៃប្រសាទសម្រាប់ដឹកនាំអារម្មណ៍ស្រើបស្រាលផងដែរ។
សូកូឡាពណ៌ខ្មៅ
សូកូឡាពណ៌ខ្មៅធ្វើអោយអ្នកមានអារម្មណ៍ល្អ តែវាក៏ជួយបង្កើនជីវិតស្នេហារបស់អ្នកបានដែរ។ តាមការសិក្សាបានអោយដឹងថា សូកូឡាពណ៌ខ្មៅផ្ទុកទៅដោយសារធាតុ PEA (Phenylethylamine) ដែលជាអ្នកបញ្ចេញសារធាតុ Endorphins និង Serotonin ដើម្បីពង្រឹងដល់ការរួមភេទកាន់តែយូរជាងមុន។
ផ្លែទទឹម
ផ្លែទទឹមផ្ទុកទៅដោយថាមពលផ្តល់តណ្ហា និងជាអង់ទីអុកស៊ីដង់សម្រាប់ការពារភ្នាសរបស់សរសៃឈាមក្នុងរាងកាយ ព្រមទាំងជួយអោយមានលំហូរឈាមកាន់តែស្រួល។ ដូច្នេះហើយ វានឹងបង្កើនរំញោចលើប្រដាប់ភេទ និងបង្កើនថាមពលដល់ផ្លូវភេទអ្នកបាន៕
