អាហារ ៣ប្រភេទ ដែលអ្នកកើតមុនគួរចៀសវាង
អាហារ គឺជារបស់ដ៏ចាំបាច់មួយសម្រាប់មនុស្សដែលពុំអាចខ្វះបាន ហើយវាក៏មានជាច្រើនប្រភេទផងដែរ ដើម្បីបំពេញតម្រូវការរាងកាយ រួមទាំងព្យាបាលជម្ងឺផងដែរ។ ប៉ុន្តែអាហារមួយចំនួនក៏អាចជាចំណែកមួយ ដែលធ្វើឲ្យលោកអ្នកកើតជម្ងឺ ជាពិសេសចំពោះអ្នកដែលកើតមុន។ ខាងក្រោមនេះ ជាអាហារទាំង ៣ ដែលអ្នកកើតមុនគួរចៀសវាង ៖
1. ផលិតផលធ្វើពីទឹកដោះគោ ៖ ដូចជាទឹកដោះគោមានរសជាតិផ្អែម ហ្វ្រូម៉ាយ៉ាអួ ការ៉េម នំខេក នំស្រួយ និងអាហារដែលមានលាយរសជាតិទឹកដោះគោ ព្រោះទឹកដោះគោ ជាអាហារពិបាករំលាយ។ នៅពេលទទួលទានចូលទៅវាស្តុកនៅក្នុងក្រពះ ធ្វើឲ្យបាក់តេរីរីកធំធាត់ ហើយពេលដែលបាក់តេរីទាំងនោះមានកាន់តែច្រើន វាអាចបង្កឲ្យកើតមុនបាន។ ប្រសិនបើបារម្ភខ្លាចខ្វះសារធាតុអាហារ អ្នកអាចទទួលទានអាហារប្រភេទផ្សេងទៀត ដូចជា ស៊ុត តៅហ៊ូ សណ្ដែក (ប្រភេទផ្សេងៗ) ត្រីតូចៗ និងសាច់សត្វ ដើម្បីបំពេញបន្ថែមសារធាតុប្រូតេអ៊ីន និងកាល់ស្យូម។
2. អាហារដែលមានរសជាតិផ្អែម ៖ អ្នកគួរពិចារណាឡើងវិញ ទៅលើអាហារដែលមានរសជាតិផ្អែម។ អាហារប្រភេទនេះ អាចធ្វើឲ្យបាក់តេរីរីកលូតលាស់ នៅក្នុងក្រពះ។ ម្យ៉ាងទៀត វាធ្វើឲ្យមានបម្រែបម្រួល អរម៉ូនក្នុងរាងកាយ ដែលជាមូលហេតុនាំឲ្យកើតមុន។
3. សារធាតុកាហ្វេអ៊ីន ៖ សារធាតុកាហ្វេអ៊ីន ដែលមានក្នុងតែ កាហ្វេភេសជ្ជៈម៉ូវកម្លាំង និងទឹកក្រូច សុទ្ធតែជាមូលហេតុធ្វើឲ្យបាក់តេរីរីកធំធាត់ និងបង្កើតជាតិពុល នៅក្នុងរាងកាយ ជាហេតុបណ្ដាលឲ្យកើតមុន ញឹកញាប់។
ប្រភព៖ Healthy
