តើអ្នកកំពុងតែព្យាយាមយកកូនមែនទេ? តើអ្នកបានត្រៀមខ្លួនរួចឬនៅ សម្រាប់ការយកកូន? ពិតណាស់ រឿងដំបូងគេ និងសំខាន់បំផុតនោះគឺ សុខភាពរបស់អ្នកផ្ទាល់។ ពុកម្តាយមានសុខភាពល្អ នោះកូនអាចនឹងមានសុខភាពល្អ។ ក្នុងអំឡុង និងបន្ទាប់ពីការមានផ្ទៃពោះ សុខភាពម្តាយ អាចជះឥទ្ធិពលយ៉ាងខ្លាំង ចំពោះសុខភាពទារក ទាំងនៅក្នុងផ្ទៃ និងក្រោយពេលកើតរួច។
ដូច្នេះ តើអ្នកគួរប្រុងប្រយ័ត្ន និងអនុវត្តតាមការណែនាំបែបណាខ្លះ ដើម្បីទទួលបានសុខភាពល្អ ទាំងម្តាយ និងកូន?
1. ជួបជាមួយគ្រូពេទ្យជំនាញ មុនពេលមានផ្ទៃពោះ
2. ចាប់ផ្តើមផ្លាស់ប្តូររបបអាហារ និងការរស់នៅ ប្រកបដោយសុខភាពល្អ
3. ឈប់ផឹកស្រា ឬជាតិអាល់កុល
4. ឈប់ជក់បារី
5. ចាប់ផ្តើមហាត់ប្រាណតិចៗ ដើម្បីជួយរក្សារាងកាយឲ្យស្អាតល្អ និងការពារការរលូតកូន ព្រមទាំងផលវិបាកនានា មុន និងក្រោយពេលសម្រាលកូន
6. អាន និងស្រាវជ្រាវឯកសារនានា ដែលទាក់ទងនឹងការមានផ្ទៃពោះ
7. ញ៉ាំបន្លែ និងផ្លែឈើ ដែលអ្នកមិនចូលចិត្ត ឬមិនធ្លាប់ញ៉ាំពីមុន
8. ធ្វើកំណត់ត្រាផ្ទាល់ខ្លួន អំពីកូន និងខ្លួនអ្នកផ្ទាល់
9. ញ៉ាំគ្រាប់ថ្នាំបំប៉ន ដែលត្រូវបានណែនាំ ដោយគ្រូពេទ្យជំនាញ ដោយត្រូវប្រាកដថា មានជាតិអាស៊ីតហ្វូលិក ០,៤ មីលីក្រាម
10. តាមដានវដ្ដរដូវខ្លួនឯង ឲ្យច្បាស់លាស់ ដើម្បីងាយស្រួលក្នុងការប្រាប់គ្រូពេទ្យ និងកំណត់អំពីថ្ងៃកើតកូន
11. សាកសួរយោបល់មិត្តភក្តិ បងប្អូន ឬម្តាយរបស់អ្នក អំពីការមានផ្ទៃពោះ និងការធ្វើជាម្តាយគេ
12. ចៀសវាងការប្រើប្រាស់ ឬប៉ះពាល់ ជាមួយសារធាតុគីមី និងសារធាតុពុលនានា ដូចជា ថ្នាំសម្លាប់សត្វល្អិន ឬថ្នាំបាញ់មូសជាដើម
13. ជួបជាមួយគ្រូទន្តពេទ្យ ដើម្បីពិនិត្យសុខភាពមាត់ធ្មេញ មុននឹងមានផ្ទៃពោះ
14. សម្រាក និងថែទាំខ្លួន
15. ញ៉ាំទឹកឲ្យបានគ្រប់គ្រាន់
16. ណាត់ជួបជាមួយគ្រូពេទ្យ ជារៀងរាល់ខែ ដើម្បីតាមដានសុខភាពរបស់អ្នក និងកូន
17. ត្រូវបង្កើនកាឡូរីក្នុងមួយថ្ងៃ ប្រហែលជា ៣០០ ទៅ ៥០០ កាឡូរី អំឡុងពេលមានផ្ទៃពោះ
18. សម្រេចចិត្ត និងជ្រើសរើសគ្រូពេទ្យជំនាញ មន្ទីរពេទ្យ ឬឆ្មប ដើម្បីសម្រាលកូនរបស់អ្នក
19. ស្វែងយល់អំពីសញ្ញានៃការមានផ្ទៃពោះ បញ្ហាពេលមានផ្ទៃពោះ ការសម្រាលកូនមុនកំណត់ និងបញ្ហាផ្សេងៗទៀត
20. ពេលជិតសម្រាល ត្រូវរៀបចំប្រដាប់ប្រដារ និងសម្ភារៈសម្រាប់សម្រាលកូន ទុកឲ្យហើយស្រេច
21. ការហែលទឹក ជាជម្រើសដ៏ល្អ សម្រាប់ស្ត្រីមានផ្ទៃពោះ ដើម្បីបន្ធូរបន្ថយការឈឺចាប់ និងមិនសូវឡើងគីឡូច្រើនពេក
22. ធ្វើចលនាតិចតួច មុនចូលគេង ដើម្បីកាត់បន្ថយការរមួលក្រពើពេលយប់
23. រៀបចំម៉ាស៊ីនថត សម្រាប់ថតព្រឹត្តការណ៍ដ៏គួរឲ្យរំភើបមួយនេះ
24. រៀបចំឯកសាររបស់អ្នក និងកូន ឲ្យបានស្រួលបួល ដើម្បីងាយស្រួលរក ពេលទៅមន្ទីរពេទ្យ..
