ផ្លែឈើគឺជារបស់ដែលល្អចំពោះសុខភាពណាស់ ព្រោះវាអាចធ្វើឲ្យអ្នកមានរាងកាយរឹងមាំក្រោយពេលដែលអ្នកបរិភោគច្រើន ហើយមានផ្លែឈើមួយចំនួនក៏អាចជួយអ្នកឲ្យបញ្ចេញជាតិពុលបានដែរ។តើមានផ្លែឈើអ្វីខ្លះទៅ?
1. អ្នកអាចបរិភោគផ្លែប៉ោមឲ្យបានច្រើន ព្រោះនៅក្នុងផ្លែប៉ោមមានសារធាតុម្យ៉ាងដែលអាចធ្វើឲ្យពោះវៀន និងក្រពះអ្នកដំណើរការលឿន ជាហេតុដែលធ្វើឲ្យវារំលាយអាហារបានលឿន ដូចនេះវានឹងជំរុញឲ្យអ្នកងាយបត់ជើង ហើយជាតិពុលទាំងឡាយនឹងចេញតាមនោះ។
2. អ្នកក៏អាចបរិភោគទំពាំងបាយជូរឲ្យបានច្រើនដែរ ព្រោះវាអាចជួយបញ្ចេញជាតិពុលពីថ្លើម និងក្រលៀនអ្នក ដោយអាចជួយបញ្ចេញសម្រាមទាំងអស់ ជាងនេះទៅទៀតវានឹងជួយការពារថ្លើមអ្នកឲ្យមានសុខភាពល្អ។
3. បើអ្នកចង់ឲ្យសួត និងស្បែកអ្នកអាចបញ្ចេញជាតិពុលមកក្រៅបាន អ្នកអាចបរិភោគក្រូចឆ្មារបាន ព្រោះនៅក្នុងក្រូចឆ្មារមានវីតាមីនC និងសារធាតិល្វីងដែលអាចធ្វើឲ្យជាតិពុលទាំងឡាយចេញមកក្រៅយ៉ាងងាយ។
4. ផ្លែសាលីគឺជាផ្លែឈើដែលមិនត្រឹមតែអាចជួយឲ្យពោះវៀនអ្នកអាចបញ្ចេញជាតិពុលប៉ុណ្ណោះទេ ថែមទាំងអាចទប់ទល់នឹងមេរោគគ្រប់ប្រភេទ ដែលអាចការពារអ្នកឲ្យចៀសផុតពីជំងឺផ្សេងៗបានទៀតផង។
5. ផ្លែស្ត្រប៊ីរីគឺជាផ្លែឈើដែលអាចជួយថ្លើមអ្នកឲ្យបញ្ចេញជាតិពុលមកក្រៅឲ្យអស់ ព្រោះវាមានវីតាមីនC និងសារធាតុជាច្រើនទៀតដែលអាចធ្វើឲ្យថ្លើមអ្នកអាចបញ្ចេញជាតិពុលយ៉ាងងាយ ជាងនេះទៅទៀតវាក៏ជួយឲ្យអ្នករំលាយអាហារបានលឿនដែរ។
6. ផ្លែទទឹមគឺជាផ្លែឈើដែលអាចការពារសារពាង្គកាយអ្នកគ្រប់ផ្នែកឲ្យមានដំណើរការល្អ នោះអ្នកនឹងមានសុខភាពល្អ និងមិនមានជំងឺផ្សេងៗមករាត្បាតឡើយ។
7. នៅក្នុងផ្លែគូរេនមានវីតាមីនA, B1, Cនិងសារធាតុដទៃទៀតដែលអាចប៉ូវក្រលៀនអ្នក និងល្អចំពោះថ្លើមអ្នក ជាងនេះទៅទៀតក្រោយពេលដែលអ្នកបរិភោគរួច វានឹងជួយបញ្ចេញជាតិពុលមកក្រៅយ៉ាងលឿន។
8. អ្នកត្រូវតែបរិភោគផ្លែគីវីឲ្យបានច្រើន ព្រោះវាមានវីតាមីនC, A, Dដែលអាចធ្វើឲ្យជាតិពុលទាំងឡាយមិនសូវកើតមានក្នុងខ្លួនអ្នក ថែមទាំងធ្វើឲ្យអ្នកងាយបត់ជើង នោះជាតិពុលទាំងនោះនឹងចេញមកដោយឯងជាមិនខាន៕
