អាការៈ គួរឲ្យ អៀនខ្មាស់ ៧យ៉ាងពេលស្ត្រីមានផ្ទៃពោះ
ក្នុងពេលមានផ្ទៃពោះរយៈពេល ៩ខែនេះ ស្ត្រីមានការជាច្រើនទាំងរូបរាងកាយ និងផ្លូវចិត្ត។ ស្ត្រីមួយចំនួនរីករាយនឹងការមាន ផ្ទៃពោះក្នុង រយៈពេល ៣ត្រីមាសនេះ ស្របពេលដែលស្ត្រីមួយចំនួនទៀតប្រឹងប្រែង តស៊ូយ៉ាង លំបាក ទំរាំតែគ្រប់ ៩ខែ។
ជាធម្មតា ស្ត្រីមានផ្ទៃពោះបញ្ចេញអាការៈគួរឲ្យអៀនខ្មាស់ ជាច្រើន ដែលមានមានលក្ខណៈខុសគ្នា ពីមនុស្សម្នាក់ទៅមនុស្សម្នាក់ទៀត។ លើក ដំបូង អ្នកម្តាយនឹងប្រឈមមុខបញ្ហា ជា ច្រើន នៅពេល ដែលទើបនឹងមានការផ្លាស់ប្តូរថ្មីៗ។ រាងកាយ របស់អ្នកក៏មានភាពផ្លាស់ប្តូរ ស្របពេល នឹងអាការៈចម្លែកពេលមានផ្ទៃពោះផងដែរ។
មូលហេតុនៃបំលាស់ប្តូរទាំងអស់នេះ បណ្តាលមកពី របបអាហារ , អរម៉ូន និងហ្សែនយ៉ាងប្រាកដ។ អ្នកអាចជួបនឹងភាព អៀនខ្មាស់ ប៉ុន្តែក្តីសុខពេលដែលបានក្លាយជាអ្នកម្តាយពិតជា ច្រើន ជាងអ្វីដែលអ្នកធ្លាប់ រំពឹងទុកទៅទៀត។ ខាងក្រោមនេះជាអាការៈគួរឲ្យអៀនខ្មាស់ ៧យ៉ាងដែលស្ត្រីមានផ្ទៃពោះត្រូវជួបប្រទះ៖
លេចនោម
ស្ត្រីមានផ្ទៃពោះភាគច្រើនលេចនោម ក្នុងពេលយល់សប្តិ។ នៅពេល ស្ត្រីមានផ្ទៃពោះ សាច់ដុំត្រគាករបស់នាងរលុង ដូច្នេះ វាបណ្តាល ឲ្យលេចនោមបន្តិច។ នេះត្រូវបានគេ ទទួលស្គាល់ ថា ការលេចនោមដែលមិនអាចទប់ បានន។ ការលេច នោម នេះអាច កើតឡើងនៅពេល នាងកណ្តាស់ ឬក្អក ហើយ បញ្ហានេះអាចបន្តកើតឡើងរហូតដល់សម្រាល កូនរួច។
មុន
ការមានផ្ទៃពោះជាពេលវេលាដែលអរម៉ូន របស់ស្ត្រី ផលិតជាតិប្រេង ដូច្នេះវា ធ្វើឲ្យអ្នក ចេញមុន។ អ្នកអាចសាកល្បងវិធីសាស្ត្រធម្មជាតិ ដើម្បី បំបាត់បញ្ហានេះបាន ប៉ុន្តែយល់ល្អ គួរតែ ប្រឹក្សា ជាមួយនឹងវេជ្ជបណ្ឌិត ជាមុនសិន មុននឹង ពិសារឱសថណាមួយ។ ឱកាស នៃការឡើង ជាតិពណ៌ខ្មៅក៏កើតឡើងផងដែរក្នុងកំឡុងពេល មានផ្ទៃពោះ នេះ។
ទល់លាមក
យ៉ាងហោចណាស់ក្នុងកំឡុងពេល ចុងត្រីមាសទី ២ ឬទី ៣ ស្ត្រីមាន ផ្ទៃពោះជាង ៨០ % ប្រឈមមុខនឹងអាការៈទល់លាមក។ មូលហេតុ ដែលធ្វើឲ្យ ទល់លាមកបែបនេះ បណ្តាល មកពី ចលនា ពោះវៀន ត្រូវបាន រំខានដោយសកម្មភាព របស់អរម៉ូន។ វាមិនមែនជាបញ្ហាសុខភាពដែលគួរឲ្យព្រួយបារម្ភទេ តែវា ជាអាការៈមួយគួរឲ្យអៀនខ្មាស់ ចំពោះស្ត្រីមានផ្ទៃពោះ។
ទ្វារមាសបញ្ចេញ ធុំក្លិនមិនល្អ
អាការៈដែលគួរឲ្យអៀនខ្មាស់ បំផុតចំពោះស្ត្រីមានផ្ទៃពោះគឺ បញ្ហាទ្វាមាសធុំក្លិនមិនល្អ។ វាកើតឡើងក្នុងកំឡុងពេល ត្រីមាសទី ៣។ គ្មានវិធីណាអាចជួយកាត់បន្ថយបញ្ហានេះបាន ទេ ព្រោះដោយសារភាពកើនឡើងកម្រិតអរម៉ូនរបស់ស្ត្រីមានផ្ទៃពោះ។ អ្នកអាចទៅប្រឹក្សាជាមួយនឹងវេជ្ជបណ្ឌិត ប្រសិនបើទ្វាមាស ជួបនឹងបញ្ហាក្លិនអាក្រក់។
ជាតិហ្គាស និងភើ
អាកាៈទូទៅរបស់ស្ត្រីមានផ្ទៃពោះគឺ បញ្ហាប្រព័ន្ធរំលាយអាហារ។ ដោយសារបញ្ហាប្រព័ន្ធរំលាយអាហាររបស់ស្ត្រីមានផ្ទៃពោះ មិនដូចគ្នា ធ្វើឲ្យការ ផលិតជាតិហ្គាស និងភើ អាចកើតឡើងគ្រប់ ពេល។ អាការៈនេះអាចនឹងកាត់បន្ថយបាន ដោយត្រូវជៀសវាង អាហារសំបូរជាតិខ្លាញ់។ ការដើរ ក្នុងរយៈពេល ២០នាទី អាចជួយដោះ ស្រាយ បញ្ហា នេះបាន។
ដុះសក់
មនុស្សស្រី ពិតជាស្រឡាញ់សក់ណាស់ ប៉ុន្តែមិនត្រូវនឹងកន្លែងដែល ចង់បាន។ ក្នុងកំឡុងពេលមានផ្ទៃពោះ អរម៉ូននឹងធ្វើឲ្យ សក់លូតលាស់បានឆាប់រហ័ស។ សក់នៅលើក្បាលនឹង ប្រែជា ភ្លឺថ្លាជាងធម្មតា ប៉ុន្តែការដុះសក់ច្រើនពេកនឹងក្លាយជាបញ្ហាសម្រាប់អ្នក។
ឡើងទម្ងន់
អ្នកត្រូវហ៊ានលះបង់ រាងស្លីម និងភាពស្រស់ស្អាតរបស់អ្នក ក្នុងរយៈពេល ៩ខែ បើអ្នក ចង់ក្លាយជាអ្នកម្តាយគេ។ រាងកាយ របស់អ្នក នឹងឡើងទម្ងន់ មើលទៅធាត់។ គ្រាន់តែ ត្រូវ យល់ ថា នេះជារឿងទូទៅមួយសម្រាប់ស្ត្រី មានផ្ទៃពោះ។ ត្រូវចាំថា រាងស្លីមដ៏ស្រស់ស្អាតរបស់អ្នកនឹងត្រលប់មកវិញ ក្រោយពេល សម្រាលកូន រួច៕
មតិយោបល់របស់ប្រិយមិត្ត
