បុរសៗច្រើនតែចូលចិត្ត នារីដែលមានត្រគាកសាយ
រូបរាងកាយពិតជាមានសារៈសំខាន់ផងដែរ សម្រាប់ទាក់ទាញដល់គូស្នេហ៍។ យ៉ាងណាមិញ សម្រាប់ស្ដ្រីភេទ អ្នកគួរតែដឹងថា ត្រគាកសាយក៏ជាផ្នែកមួយ ដែលអ្នកមានប្រៀបលើនារីដទៃៗទៀត ដែលគ្មានត្រគាកសាយដូចជាអ្នក។ វាក៏ជាអំណោយផលមួយពីធម្មជាតិផងដែរ ដោយអ្នកមិនចាំបាច់ប្រើឧបករណ៍ជំនួយសម្រាប់ឲ្យត្រគាកសាយ។
ពួកអ្នកវិទ្យាសាស្ដ្រ នៃសាកលវិទ្យាល័យតិចសាស (Texas) នៃសហរដ្ឋអាមេរិច បានសិក្សាពីទំហំត្រគាក និងចង្កេះរបស់ស្ត្រី ហើយក៏បានរកឃើញថា ស្ត្រីដែលមានចង្កេះតូចជាងត្រគាក ឬស្ត្រីត្រគាកសាយ តែជាទីចាប់អារម្មណ៍ពេញចិត្តរបស់បុរស ជាងស្ត្រីដែលមានត្រគាកស្វិតសំប៉ែត។
ហេតុផលទាំងនេះ គឺដោយសារតែ ស្ត្រីដែលមានត្រគាកសាយ មានចំនួនខ្លាញ់ច្រើននៅត្រង់តំបន់ត្រគាក ដែលជាកត្តាមួយបង្ហាញថា ស្ត្រីនោះមានថាមពលខ្លាំងគ្រប់គ្រាន់ក្នុងការមើលថែទាំកូនៗ ដោយមិនគិតដល់ថា ស្ត្រីនោះមានទម្ងន់ប៉ុន្មានគីឡូនោះទេ។ ប្រសិនបើ ចង្កេះរបស់នាងនៅតែមានទំហំតូចជាងត្រគាក នោះនាងនឹងក្លាយជាក្ដីស្រមៃរបស់បុរសស្ទើរគ្រប់រូប។ ម្យ៉ាងវិញទៀត ត្រគាកសាយ ក៏បញ្ជាក់ពីភាពស៊ិចស៊ីមួយ ដែលពិបាកនឹងរកអ្វីមកប្រៀបប្រដូចបានណាស់។
