តើអ្នកដឹងទេ ចេកទុំអាចប្រឆាំងនឹងការក្អក ព្រមទាំងជំងឺរលាកទងសួតបាន? វាមិនត្រឹមតែមានប្រសិទ្ធិភាពសម្រាប់តែកុមារប៉ុណ្ណោះទេ សូម្បីតែមនុស្សពេញវ័យក៏ដូចគ្នាដែរ។ ចេក គឺជាផ្លែឈើធម្មជាតិមួយប្រភេទដែលល្អសម្រាប់សុខភាព ហើយមានឥទ្ធិពលក្នុងការព្យាបាលបញ្ហាក្រពះទៀតផង។
គ្រឿងផ្សំ៖
- ចេកទុំ ២ផ្លែ (ល្អបំផុតចេកទុំមានស្នាមអ៊ុជៗពណ៌ត្នោតនៅលើសំបក)
- ស្ករ ឬទឹកឃ្មុំ ២ស្លាបព្រាបាយ
- ទឹកដាំពុះ ៤០០មីលីលីត្រ
របៀបធ្វើ៖
យកចេកបកសំបកចេញឲ្យស្អាត រួចកិនឲ្យម៉ត់។ បន្ថែមទឹកស្ករ ហើយកូរឲ្យចូលគ្នាសព្វល្អ។ យកល្បាយនេះទៅដាក់ក្នុងទឹកដាំពុះ រួចគ្រប់ទុក និងរងចាំ ៣០នាទី។ ប្រសិនបើអ្នកចូលចិត្តទឹកឃ្មុំដោយមិនចង់ប្រើស្ករ អ្នកអាចបន្ថែមវាក្រោយគេបន្ទាប់ពីល្បាយនេះត្រជាក់ (ព្រោះសីតុណ្ហភាពខ្ពស់ពេកទឹកឃ្មុំនឹងបាត់បង់ប្រសិទ្ធិភាព)។ ប៉ុន្តែអ្នកមិនត្រូវយកល្បាយនេះទៅច្រោះជាមួយនឹងឧបករណ៍ប្លាស្ទិចឡើយ។
បន្ទាប់ពីច្រោះហើយ អ្នកអាចបរិភោគវាមុនពេលបាយកន្លះម៉ោង ឲ្យបានទៀងទាត់មិនយូរទេអ្នកនឹងទទួលបានលទ្ធផល៕
