តិចនិចបង្កើនទំហំសុដន់ឲ្យឆាប់ធំ ហើយមិនឡើងទម្ងន់
សុដន់ គឺជាសរីរាង្គដែលត្រូវបានផ្សំឡើងពីជាតិខ្លាញ់ និងជាលិកាទន់ៗតភ្ជាប់គ្នា។ សមាមាត្រទាំងពីរនៃជាតិខ្លាញ់ និងជាលិកាទន់នេះ អាចមានភាពខុសប្លែកពីគ្នាសម្រាប់មនុស្សស្រីគ្រប់រូប។ វាអាស្រ័យទៅលើហ្សែន ហើយមានអ្នកខ្លះមកពីសុដន់ក្រាស់មានន័យថា សុដន់របស់ពួកគេមានជាតិខ្លាញ់តិច និងជាលិកាច្រើន ប៉ុន្តែអ្នកខ្លះផ្ទុយពីនេះ។
ជាធម្មតាស្ត្រីដែលមានសុដន់ធំ រាងកាយរបស់ពួកគេក៏ឡើងទម្ងន់ទៅតាមនោះដែរ។ ប៉ុន្តែមានវិធីសាស្ត្រមួយចំនួនដែលអាចជួយឲ្យមនុស្សស្រីមានសុដន់ធំ ហើយមិនប៉ះពាល់ដល់ការឡើងទម្ងន់ឡើយ។
របៀបរស់នៅ
ដើម្បីបង្កើនទំហំសុដន់បាន អ្នកត្រូវមានទម្លាប់ញ៉ាំអាហារដែលមានជីវជាតិ និងធ្វើការហាត់ប្រាណឲ្យបានទៀតទាត់ជារៀងរាល់ថ្ងៃ។
ការហាត់ប្រាណទាំងនោះមានដូចជា៖ អាហ្វង់, បញ្ចេញកំលាំងដោយសង្កត់រុញជញ្ជាំង, លើកដុំដែកតូចៗ និងគេងលើកអាទែ។ លំហាត់ប្រាណទាំងអស់នេះអាចជួយកសាងសាច់ដុំសុដន់របស់អ្នកនៅក្នុងតំបន់ដើមទ្រូង និងអាចរក្សាសុដន់ឲ្យមានភាពទាក់ទាញ។
លំហាត់ប្រាណមួយក្នុងចំណោមលំហាត់ប្រាណខាងលើ ដែលអ្នកជំនាញបានផ្តល់អនុសាស្ត្រគឺ គេងនៅលើកៅអ៊ីរួចលើកអាទែ។
ការធ្វើលំហាត់ប្រាណដើម្បីពង្រើកទំហំសុដន់
សូមគេងនៅលើកៅអ៊ីដែលមានរាងទេ ៦០ដឺក្រេ បន្ទាប់មកយកដុំដែកមកដាក់លើភ្លៅរបស់អ្នក។ ចាប់ផ្តើមលើកដុំដែកទាំងសងខាងនោះឲ្យដល់ស្មា ឬមកផ្អិបនឹងដើមទ្រូងនៅគម្លាត ១អ៊ីញ រួចទម្លាក់ចុះទៅវិញដោយយឺតៗ។ ធ្វើបែបនេះឲ្យបានច្រើនដងតាមដែលអាចធ្វើទៅបាន។
រឿងមួយទៀត អ្នកត្រូវជ្រើសរើសអាវក្នុងដែលមានប៉ះពាល់ដល់សុដន់ គឺអាវដែលមិនចង្រៀតពេកទើបសុដន់ងាយស្រួលនឹងលូតលាស់បានល្អ។
ចុងក្រោយ អ្នកកុំភ្លេចធ្វើការម៉ាស្សាឲ្យសុដន់ដោយប្រើប្រាស់ប្រេងធម្មជាតិដូចជា (ប្រេងអូលីវ) ដើម្បីជួយឲ្យលំហូរឈាមនៅតំបន់នេះរត់បានស្រួល។ អ្នកត្រូវព្យាយាមអនុវត្តវិធីនេះជារៀងរាល់ថ្ងៃ ដើម្បីទទួលបានប្រសិទ្ធភាពដ៏អស្ចារ្យ និងឆាប់រហ័ស៕
