បច្ចុប្បន្នអាកាសធាតុប្រែប្រួលមិនទៀងទាត់ ពេលខ្លះក្ដៅខ្លាំងស្ទើរទ្រាំពុំបានបើទោះស្ថិតក្នុងរដូវវស្សា ឯពេលខ្លះទៀតបែរជាមានធ្លាក់ជោគជាំលាយឡំជាមួយខ្យល់រន្ទះគួរឲ្យខ្លាច។ ដើម្បីការពារខ្លួនបញ្ចៀសពីគ្រោះថ្នាក់ដោយរន្ទះដ៏កំណាចនេះ គួរយល់ដឹងពីវិធីសាស្ត្រមួយចំនួនដូចខាងក្រោម៖
១. ប្រសិនបើអ្នកកំពុងនៅក្នុងផ្ទះពេលមានភ្លៀង
– ចៀសវាងប្រើប្រាស់ទូរសព្ទមានខ្សែ និងឧបករណ៍អេឡិចត្រូនិកនានា ដូចជាកុំព្យូទ័រ និងទូរទស្សន៍ជាដើម ព្រោះវាអាចស្រូបរន្ទះ
– ចៀសវាងប្រើប្រាស់ទូរសព្ទ
– ចៀសវាងលាងដៃ ងូតទឹក លាងចាន បោកគក់ ព្រោះបំពង់បង្ហូរទឹកដែលមានជាតិលោហៈអាចស្រូបរន្ទះ
– ខ្យល់បោកបក់ខ្លាំង អាចបណ្ដាលឲ្យបែកកញ្ចក់បាន ដូចនេះត្រូវនៅឲ្យឆ្ងាយពីបង្អួច ដំបូល និងទ្វារដែលធ្វើឡើងពីកញ្ចក់
– បិទវាំងននបង្អួចឲ្យជិត ដើម្បីបញ្ចៀសការបែកកញ្ចក់ដោយសារខ្យល់ពីខាងក្នុងផ្ទះ
២. ប្រសិនបើអ្នកកំពុងនៅក្រៅផ្ទះ
– រកកន្លែងជ្រកជាបន្ទាន់ ប្រសិនបើឃើញពពកខ្មៅ មានផ្លេកបន្ទោរ ឮសំឡេងផ្គរលាន់ និងមានអារម្មណ៍ថាព្រឺខ្លួន
– ជ្រកក្នុងអគារបិទជិត ប្រសើរជាងរោង ឬការ៉ាសដែលមានតែដំបូល
– បើគ្មានអគារបិទជិតទេ គួរសំងំនៅក្នុងរថយន្ត ប៉ុន្តែហាមដាច់ខាតមិនត្រូវផ្អែក ឬទ្រោបទៅលើរថយន្តទេ
– ប្រសិនបើអ្នកកំពុងជិះកង់ ឬម៉ូតូ គួរប្រញាប់ឈប់រួចរកកន្លែងមានសុវត្ថិភាពបញ្ចៀសគ្រោះថ្នាក់
– បើគ្មានជម្រកនៅក្បែរខ្លួនទេ គួរអង្គុយចោងហោង រួចយកដៃទាំងពីរដាក់លើក្បាលជង្គង់ និងឱនក្បាលចូលក្នុងចន្លោះ ជង្គង់ ធ្វើយ៉ាងណាឲ្យខ្លួនអ្នកក្លាយជាគោលដៅរន្ទះតូចបំផុត
– ប្រសិនបើអ្នកនៅក្នុងទឹក ត្រូវប្រញាប់រួសរាន់ឡើងលើគោកភ្លាម និងចៀសវាងវត្ថុធ្វើពីលោហៈ(ទឹក និងលោហៈអាចទាក់ទាញរន្ទះភ្លាមៗ)
– ប្រសិនបើអ្នកកំពុងប្រជុំគ្នាជាក្រុម គួរឆាប់បំបែកគ្នាភ្លាម៕
ល្អ ឬអាក្រក់ ប្រសិនសិនបើខ្ញុំសាក់នោះ..!
តើសុដន់ធំជ្រុលពេក អាចបង្កបញ្ហាដែរឫទេ ?
បម្រាមក្នុងពេល ថើបគ្នា ដែលប្រុសៗគួរតែដឹង ដើម្បីកុំឲ្យខាងស្រីអស់អារម្មណ៍....
